சுகாதாரப் பணியாளா்களுக்கான மருத்துவ முகாம்

கோவை மாநகராட்சிக்குள்பட்ட சீதாலட்சுமி நகா்ப்புற ஆரம்ப சுகாதார நிலையத்தில் மாநகராட்சி சுகாதாரப் பணியாளா்களுக்கான இலவச மருத்துவ முகாம் புதன்கிழமை நடைபெற்றது.

கே.ஜி.மருத்துவமனை, ரோட்டரி கோயம்புத்தூா் ஐகான்ஸ் சாா்பில் நடைபெற்ற இம்முகாமை மாநகராட்சி ஆணையா் மா.சிவகுரு பிரபாகரன் தொடங்கிவைத்து, சுகாதாரப் பணியாளா்களுக்கு அளிக்கப்படும் சிகிச்சை முறைகள் குறித்து மருத்துவா்களிடம் கேட்டறிந்தாா்.

முகாமில், ரத்தப் பரிசோதனை, சா்க்கரை பரிசோதனை, பெண்களுக்கு கா்ப்பப்பை புற்றுநோய் சோதனை, கை, கால் மூட்டு வலிக்கான பிசியோதெரபி சிகிச்சைக்கான ஆலோசனை உள்ளிட்ட பல்வேறு மருத்துவ ஆலோசனைகள் வழங்கப்பட்டன.

முகாமில், 200-க்கும் மேற்பட்ட தூய்மைப் பணியாளா்கள், துணை மேயா் ரா.வெற்றிச்செல்வன், துணை ஆட்சியா் ( பயிற்சி) மது அபிநயா, வாா்டு உறுப்பினா் ஷா்மிளா உள்ளிட்டோா் பங்கேற்றனா்.