கேரள அரசைக் கண்டித்து நடைபெற இருந்த விவசாயிகள் போராட்டம் மறுதேதி குறிப்பிடப்படாமல் ஒத்திவைக்கப்பட்டுள்ளது.
பவானி ஆற்றின் குறுக்கே தடுப்பணை கட்டி வரும் கேரள அரசைக் கண்டித்து பவானி தடுப்பணை தடுப்புக்குழு சார்பில் ஈரோடு மாவட்டத்தில் 13 இடங்களிலும், திருப்பூர் மாவட்டத்தில் 2 இடங்களிலும் என மொத்தம்
15 இடங்களில் மார்ச் 30-ஆம் தேதி உண்ணாவிரதம் இருக்கவும், ஏப்ரல் 7-ஆம் தேதி மனிதசங்கிலிப் போராட்டத்தில் ஈடுபடவும் முடிவு செய்து அறிவிப்பு வெளியிடப்பட்டிருந்தது.
இந்நிலையில், உண்ணாவிரதம், மனிதசங்கிலி போராட்டத்தை மறுதேதி குறிப்பிடாமல் ஒத்திவைப்பதாக கீழ்பவானி முறைநீர்ப் பாசன கூட்டமைப்புச் செயலர் வடிவேல் தெரிவித்துள்ளார்.