ஈரோடு மாவட்டத்தில் உள்ள 10 வட்டங்களைச் சார்ந்த பின்வரும் கிராமங்களில்  அம்மா திட்ட முகாம் வெள்ளிக்கிழமை நடைபெறவுள்ளது.
இதுகுறித்து மாவட்ட நிர்வாகம் வெளியிட்ட தகவல்:
ஈரோடு வட்டம் - கரை எல்லப்பாளையம் கிராம நிர்வாக அலுவலகம், மொடக்குறிச்சி வட்டம் - 06-புதூர் சமுதாயக்கூடம், கொடுமுடி வட்டம் - கொடுமுடி, அ. கிராமம் மகுடேஸ்வரர் கோயில் அருகில், பெருந்துறை வட்டம் - சுங்கக்காரன்பாளையம் கிராம சேவை மையம்.
பவானி வட்டம் - குறிச்சி அ, ஆ கிராம ஊராட்சி அலுவலகம், அந்தியூர் வட்டம் - ஒட்டப்பாளையம் கிராம நிர்வாக அலுவலகம், கோபிசெட்டிபாளையம் வட்டம் - நாகதேவம்பாளையம் ஆ கிராமம் ஊராட்சி அலுவலகம், சத்தியமங்கலம் வட்டம் - உக்கரம் இ கிராம சமுதாயக் கூடம்.
தாளவாடி வட்டம் - ஆசனூர் கிராமம் அரேபாளையம் தொடக்க வேளாண் சங்கம், நம்பியூர் வட்டம் - காரப்பாடி எம்.என்.சி. மண்டபம்  ஆகிய இடங்களில் வெள்ளிக்கிழமை (மார்ச் 2) நடைபெறும் முகாம்களில் தொடர்புடைய கிராமங்களைச் சேர்ந்த பொதுமக்கள் பங்கேற்று தங்களது கோரிக்கைகளை மனுக்களாக அளித்து உரிய தீர்வைப் பெறலாம் எனத் தெரிவிக்கப்பட்டுள்ளது.