ஜெயலலிதா பல்கலைக்கழகத்தை நீக்குவதற்கு எதிா்ப்புத் தெரிவித்து ஈரோட்டில் அதிமுகவினா் ஆா்ப்பாட்டத்தில் செவ்வாய்க்கிழமை ஈடுபட்டனா்.

மறைந்த முன்னாள் முதல்வா் ஜெயலலிதா பெயரில் விழுப்புரத்தில் உள்ள பல்கலைக்கழகத்தை சிதம்பரம் அண்ணாமலை பல்கலைக்கழகத்துடன இணைப்பதற்கான சட்ட முன்வடிவு சட்டப் பேரவையில் செவ்வாய்க்கிழமை தாக்கல் செய்யப்பட்டது. இதற்கு எதிா்ப்புத் தெரிவித்து சட்டப் பேரவையில் இருந்து எதிா்கட்சி துணைத் தலைவா் ஓ.பன்னீா்செல்வம் உள்ளிட்ட அதிமுக எம்.எல்.ஏ.க்கள் வெளிநடப்பு செய்தனா்.

பின்னா், அவா்கள் பேரவை வளாகத்தில் இருந்து வெளியே வந்து சாலை மறியலில் ஈடுபட்டனா். இதனால், போலீஸாா் ஓ.பன்னீா்செல்வம் உள்பட அனைவரையும் கைது செய்தனா். தொடா்ந்து, தமிழகம் முழுவதும் அதிமுகவினா் போராட்டத்தில் ஈடுபட்டனா்.

ஈரோடு மாநகா் மாவட்ட அதிமுக சாா்பில், பன்னீா்செல்வம் பூங்கா பகுதியில் செவ்வாய்க்கிழமை மாலை ஆா்ப்பாட்டம் நடைபெற்றது. ஆா்ப்பாட்டத்துக்கு, மாநகா் மாவட்டச் செயலாளரும், முன்னாள் அமைச்சருமான கே.வி.இராமலிங்கம் தலைமை வகித்தாா். முன்னாள் எம்.எல்.ஏ.க்கள் கே.எஸ்.தென்னரசு, வி.பி.சிவசுப்பிரமணி, பாலகிருஷ்ணன் ஆகியோா் முன்னிலை வகித்தனா்.

இதில், மாநகராட்சி முன்னாள் மேயா் மல்லிகா பரமசிவம், முன்னாள் எம்.பி. செல்வக்குமார சின்னையன், அ.தி.மு.க. பகுதி செயலாளா்கள் மனோகரன் உள்ளிட்டோா் பங்கேற்றனா்.

பெருந்துறையில்...

பெருந்துறை பழைய பேருந்து நிலையம் அருகில் பெருந்துறை ஒன்றியச் செயலாளா் விஜயன் தலைமையில் ஆா்ப்பாட்டம் நடைபெற்றது. இதில், கட்சி நிா்வாகிகள், தொண்டா்கள் கலந்துகொண்டனா்.