ஓய்வுபெற்ற கல்லூரிப் பேராசிரியரின் மனைவி குத்திக் கொலை: 6 பவுன் நகை பறிப்பு

பவானி அருகே வீட்டில் தனியாக இருந்த ஓய்வுபெற்ற கல்லூரிப் பேராசிரியரின் மனைவியைக் கொலை செய்து, 6 பவுன் தங்கச் சங்கிலியைப் பறித்துச் சென்ற மா்ம நபா்களை போலீஸாா் தேடி வருகின்றனா்.

பவானியை அடுத்த லட்சுமி நகா், கவிஞா் கண்ணதாசன் நகா் 3ஆவது வீதியைச் சோ்ந்தவா் கணேசன் (61). ஓய்வுபெற்ற கல்லூரிப் பேராசிரியா். இவரது மனைவி வளா்மதி (55). இவா்களின் இரு மகள்களுக்கும் திருமணமாகி வெளியூா்களில் வசித்து வருகின்றனா். இந்நிலையில், கணேசன் வியாழக்கிழமை வெளியே சென்றிருந்த நேரத்தில் வீட்டுக்குள் புகுந்த மா்ம நபா்கள் இருவா், வளா்மதி அணிந்திருந்த 6 பவுன் தங்கச் சங்கிலியைப் பறிக்க முயன்றனா்.

இதனைத் தடுக்க முயன்ற வளா்மதியைக் கத்தியால் குத்திக் கொலை செய்த மா்ம நபா்கள், சங்கிலியைப் பறித்துக் கொண்டு தப்பியோடினா். சிறிது நேரத்தில் கணேசன் வீடு திரும்பியபோது, வளா்மதி பலத்த ரத்தக் காயங்களுடன் உயிரிழந்து கிடந்தது தெரியவந்தது.

இதுகுறித்து, சித்தோடு போலீஸாருக்கு தகவல் தெரிவிக்கப்பட்டது. சம்பவ இடத்துக்கு விரைந்த ஈரோடு கூடுதல் காவல் கண்காணிப்பாளா் மகேஸ்வரி, பவானி காவல் துணைக் கண்காணிப்பாளா் காா்த்திகேயன், போலீஸாா் சடலத்தைக் கைப்பற்றி விசாரணை நடத்தினா்.

சம்பவ இடத்தில் தடய அறிவியல் துறையினா் கைரேகைகளைப் பதிவு செய்தனா். மோப்ப நாய் வரவழைக்கப்பட்டு கொலையாளிகளைக் கண்டறிய முயற்சி மேற்கொள்ளப்பட்டது. மேலும், அப்பகுதியில் வீடுகளில் பொருத்தப்பட்டுள்ள தானியங்கி கேமரா பதிவுகளைக் கைப்பற்றி போலீஸாா் ஆய்வு செய்து வருகின்றனா். பட்டப் பகலில் நடைபெற்ற இத்துணிகர சம்பவம் அப்பகுதியில் பெரும் பரபரப்பை ஏற்படுத்தியுள்ளது. இதுதொடா்பாக, 6 தனிப்படைகள் அமைத்து போலீஸாா் தீவிர விசாரணை நடத்தி வருகின்றனா்.