சக்தி மசாலா கோப்பையை பெருந்துறையைச் சோ்ந்த அரசுப் பள்ளிகள் வென்றன.

சக்திதேவி அறக்கட்டளை வழிகாட்டி திட்டத்தின்கீழ், 10-ஆம் ஆண்டு ஈரோடு, பெருந்துறை ஒன்றிய அளவிலான தொடக்க, நடுநிலைப் பள்ளிகளுக்கான விளையாட்டுப் போட்டி மற்றும் கல்வி ஊக்கத்தொகை வழங்கும் விழா பெருந்துறை அரசு ஆண்கள் மேல்நிலைப் பள்ளியில் புதன்கிழமை நடைபெற்றது.

விழாவுக்கு, சக்தி மசாலா நிா்வாக இயக்குநா் பி.சி.துரைசாமி தலைமை வகித்தாா். சக்திதேவி அறக்கட்டளையின் அறங்காவலா் சாந்தி துரைசாமி குத்துவிளக்கு ஏற்றி விழாவை தொடங்கிவைத்தாா். விழாவில் கே.பல்லவி பரமசிவம் வாழ்த்துரை வழங்கினாா். ஈரோடு மாவட்ட கல்வி அலுவலா் (தொடக்க கல்வி) மு.சுகுமாா், பெருந்துறை காவல் ஆய்வாளா் மசூதா பேகம் ஆகியோா் பேசினா்.

விழாவில் அப்துல் கலாம் நூலகம் செயல்படும் பள்ளிகளில் ஆண்டுத் தோ்வில் 6, 7, 8, 9 மற்றும் 11 ஆம் வகுப்புகளில் முதல் இரு இடங்களை பிடித்த மாணவ, மாணவிகளுக்கு கல்வி ஊக்கத்தொகை ரூ.1.95 லட்சம் மற்றும் விளையாட்டுப் போட்டிகளில் வெற்றி பெற்ற மாணவ, மாணவிகளுக்கு பரிசுகள் வழங்கப்பட்டன.

இப்போட்டியில் பெருந்துறை மேற்கு மற்றும் வடக்கு ஊராட்சி ஒன்றிய நடுநிலைப் பள்ளிகள் சமமான புள்ளிகளைப் பெற்று ஒட்டுமொத்த சாம்பியன் பட்டமான சக்தி மசாலா கோப்பையை வென்றன.

இவ்விழாவில் பெருந்துறை வட்டாரத்தைச் சோ்ந்த ஆசிரியா்கள் மற்றும் மாணவா்கள் பங்கேற்றனா். ராஜமாணிக்கம் நன்றி கூறினா்.