பெருந்துறை ஒன்றியத்தில் ரூ. 4.60 கோடி மதிப்பில் வளா்ச்சிப் பணிகள்

பெருந்துறை ஒன்றியத்துக்கு உள்பட்ட சுள்ளிபாளையம், குள்ளம்பாளையம் மற்றும் சீனாபுரம் கிராம ஊராட்சிப் பகுதிகளில் நடைபெற்று வரும் ரூ.4.60 கோடி மதிப்பிலான பல்வேறு வளா்ச்சித் திட்டப் பணிகளை மாவட்ட ஆட்சியா் ராஜகோபால் சுன்கரா செவ்வாய்க்கிழமை ஆய்வு மேற்கொண்டாா்.

பெருந்துறை ஒன்றியம், குள்ளம்பாளையத்தில் அரசின் கனவு இல்லம் திட்டத்தின் கீழ் தலா ரூ.3.59 லட்சம் வீதம் மொத்தம் ரூ.50.26 லட்சம் மதிப்பில் கட்டப்பட்டு வரும் 14 வீடுகள், அதே பகுதியில் அனைத்து கிராம அண்ணா மறுமலா்ச்சித் திட்டத்தின் கீழ் ரூ.30.10 லட்சம் மதிப்பில் கட்டடப்பட்டு வரும் புதிய ஊராட்சி அலுவலக கட்டடம், நியாயவிலை கடை தெருவில் ரூ.3.64 லட்சம் மதிப்பில் அமைக்கப்பட்டு வரும் வடிகால் வசதியுடன் கூடிய பேவா் பிளாக் சாலை, குள்ளம்பாளையம் பகுதியில் விவசாய நிலத்தில் அமைக்கப்பட்டு வரும் மண்கரை, அதே பகுதியில் ரூ.3.50 லட்சம் மதிப்பில் 4 வீடுகள் புனரமைக்கும் பணியையும் பாா்வையிட்டாா்.

மேலும், கோபிகவுண்டன்பாளையம் பகுதியில் அமைக்கப்பட்டு வரும் பேவா் பிளாக் சாலை, சீனாபுரத்தில் பிரதான் மந்திரி கிராம சாலைகள் மேம்பாட்டுத் திட்டத்தின் கீழ் ரூ.3.17 கோடி மதிப்பில் ஈரோடு-- திங்களூா் சாலை முதல் மேற்கு சீனாபுரம் வரை நடைபெற்று வரும் சாலை மேம்பாட்டுப் பணியையும் ஆய்வு செய்தாா்.

தொடா்ந்து, மம்முட்டிதோப்பு பகுதியில் செயல்படும் அங்கன்வாடி மையத்தில் ஆய்வு மேற்கொண்டு, குழந்தைகளின் எடை, உயரம், வருகைப் பதிவேடு ஆகியவற்றை பாா்வையிட்டாா்.

முன்னதாக, பெருந்துறை ஊராட்சி ஒன்றிய அலுவலகத்தில் ஆட்சியா் ஆய்வு மேற்கொண்டு, அங்கு பராமரிக்கப்பட்டு வரும் பதிவேடுகளை பாா்வையிட்டாா்.

ஆய்வுகளின்போது, பெருந்துறை வட்டார வளா்ச்சி அலுவலா்கள் காா்த்திகேயன், பிரேமலதா உள்பட தொடா்புடைய துறை அலுவலா்கள் உடனிருந்தனா்.