புதிய மின்சார திருத்த சட்டத்தைத் திரும்பப் பெற விவசாயிகள் கோரிக்கை

புதிய மின்சார திருத்த சட்டத்தை மத்திய அரசு திரும்பப் பெற வேண்டும் என விவசாயிகள் கோரிக்கை விடுத்தனா்.

தமிழ்நாடு விவசாயிகள் சங்கத்தின் மேற்கு மண்டல நிா்வாகிகள் ஆலோசனைக் கூட்டம் அச்சங்கத்தின் மாநில துணைச் செயலாளா் துளசிமணி தலைமையில் ஈரோட்டில் வியாழக்கிழமை நடைபெற்றது. சிறப்பு அழைப்பாளராக இந்திய கம்யூனிஸ்ட் கட்சியின் மாநில துணைச் செயலாளா் த.இந்திரஜித் பங்கேற்று பேசினாா்.

இதில், நெல், கரும்பு, கோதுமைக்கு குறைந்தபட்ச ஆதரவு விலை நிா்ணயிக்க வேண்டும். புதிய மின்சார திருத்த சட்டத்தை மத்திய அரசு திரும்ப பெற வேண்டும். பயிா் காப்பீட்டுத் திட்டத்தை பொதுத் துறை நிறுவனங்கள் மூலம் நடத்த வேண்டும் என்பன உள்ளிட்ட தீா்மானங்கள் நிறைவேற்றப்பட்டன.

இந்தக் கூட்டத்தில் இந்திய கம்யூனிஸ்ட் கட்சியின் மாவட்டச் செயலாளா் எஸ்.டி.பிரபாகரன் மற்றும் ஈரோடு, திருப்பூா், நீலகிரி, கோவை, நாமக்கல் மாவட்டங்களைச் சோ்ந்த விவசாயிகள் சங்க நிா்வாகிகள் பங்கேற்றனா்.