பெருந்துறை அரசு மருத்துவக் கல்லூரியில் இரும்பெரும் விழா

பெருந்துறை அரசு மருத்துவக் கல்லூரியில் ஆண்டு விழா மற்றும் முத்தமிழறிஞா் மாணவா் மன்ற பரிசளிப்பு விழா ஆகிய இரும்பெரும் விழா வியாழக்கிழமை நடைபெற்றது.

இவ்விழாவுக்கு கல்லூரி முதல்வா் செந்தில்குமாா் தலைமை வகித்தாா். வீட்டு வசதி, மதுவிலக்கு மற்றும் ஆயத்தீா்வைத் துறை அமைச்சா் சு.முத்துசாமி சிறப்பு அழைப்பாளராகப் பங்கேற்று பேசினாா்.

முன்னதாக, ஈரோடு ரோட்டரி சங்கத்தின் சாா்பில் மருத்துவமனைக்கு வழங்கப்பட்ட ரூ.80 லட்சம் மதிப்பிலான புதிய மருத்துவ உபகரணங்களை மக்கள் பயன்பாட்டுக்கு அமைச்சா் தொடங்கிவைத்தாா்.

இதையடுத்து, பல்கலைக்கழகத் தோ்வில் அதிக மதிப்பெண்கள் பெற்ற 24 மாணவ, மாணவிகளுக்கும், முத்தமிழறிஞா் தமிழ் மன்றத்தின் சாா்பில் நடத்தப்பட்ட பேச்சு, கவிதை, கட்டுரைப் போட்டிகளில் வெற்றிபெற்ற 9 மாணவ, மாணவிகளுக்கும் பரிசுகள் மற்றும் பாராட்டுச் சான்றிதழ்களை அமைச்சா் வழங்கினாா்.

மேலும், விளையாட்டுப் போட்டிகளில் வெற்றிபெற்ற 370 மாணவ, மாணவிகளுக்கு பாராட்டுச் சான்றிதழ்கள், 110 மாணவ, மாணவிகளுக்கு பதக்கங்கள், 42 மாணவ, மாணவிகளுக்கு கோப்பைகளை வழங்கினாாா்.

இந்நிகழ்ச்சியில், மருத்துவக் கல்லூரி மற்றும் மருத்துவமனை மருத்துவ கண்காணிப்பாளா் (பொ) செந்தில் செங்கோடன், துணை முதல்வா் புவிதா, ஈரோடு ரோட்டரி சங்க செயலாளா் சகாதேவன், ரோட்டரி சங்க கவா்னா் சுரேஷ் உள்ளிட்டோா் கலந்துகொண்டனா்.