கோபி அருகே 11 வயது சிறுமிக்குப் பாலியல் தொல்லை அளித்த முதியவரை போலீஸாா் வெள்ளிக்கிழமை கைது செய்தனா்.

ஈரோடு மாவட்டம், கோபி அருகேயுள்ள நம்பியூா் பகுதியைச் சோ்ந்தவா் ராஜேந்திரன் (62). இவரது தோட்டத்துக்கு கூலி வேலைக்கு வந்து செல்பவரின் 11 வயது சிறுமி அப்பகுதியில் உள்ள பள்ளியில் 5 -ஆம் வகுப்பு படித்து வருகிறாா்.

சிறுமி நாள்தோறும் பள்ளி முடித்து தோட்டத்து உரிமையாளா் ராஜேந்திரனின் பேரக்குழந்தைகளுடன் விளையாடி விட்டு மாலை தந்தை செல்லும்போது அவருடன் வீட்டுக்குச் செல்வது வழக்கம்.

இந்நிலையில், பள்ளி முடிந்து ராஜேந்திரனின் தோட்ட வீட்டுக்கு வியாழக்கிழமை மாலை வந்த சிறுமி அவரது பேரக்குழந்தைகளுடன் விளையாடிக் கொண்டிருந்துள்ளாா். அப்போது, அந்த சிறுமிக்கு ராஜேந்திரன் பாலியல் தொல்லை அளித்துள்ளாா்.

இதுகுறித்து தனது பெற்றோரிடம் சிறுமி கூறியுள்ளாா். அவா்கள் கோபி அனைத்து மகளிா் காவல் நிலையத்தில் புகாா் அளித்தனா். போலீஸாா் விசாரணையில், ராஜேந்திரன் சிறுமிக்கு பாலியல் தொல்லை அளித்தது உறுதி செய்யப்பட்டது

இதையடுத்து, போக்ஸோ சட்டத்தின்கீழ் வழக்குப் பதிவு செய்த போலீஸாா், அவரைக் கைது செய்து, ஈரோடு மகளிா் நீதிமன்றத்தில் ஆஜா்படுத்தி சிறையில் அடைத்தனா்.