கூடலூர் நகராட்சி, ஈப்பங்காடு பகுதியில் நிலவும் குடிநீர்ப் பிரச்னையைத் தீர்க்க நடவடிக்கை மேற்கொள்ள வேண்டும் என பா.ஜ.க. வலியுறுத்தியுள்ளது.
இதுகுறித்து, பா.ஜ.க. மாவட்டப் பிரசார அணிச் செயலாளர் பி.ஏ.சாமி நகராட்சி ஆணையருக்கு அனுப்பியுள்ள மனுவில் கூறியிருப்பதாவது:
கூடலூர் நகராட்சியில் உள்ள 18-ஆவது வார்டு, ஈப்பங்காடு பகுதிக்கு குடிநீர் பெறப்படும் கிணற்றில் மோட்டார் பழுதடைந்துள்ளது. இதனால், அப்பகுதிக்கு குடிநீர் விநியோகம் செய்யப்படுவதில்லை. இதற்கு பதிலாக மாயாற்று நீர் மட்டும் விநியோகம் செய்யப்படுகிறது. ன
இந்தத் தண்ணீரும் மிகவும் மாசடைந்துள்ளதால் குடிப்பதற்கு பயன்படுவதில்லை. இதுகுறித்து, பலமுறை புகார்  தெரிவித்தும் இதுவரை நடவடிக்கை மேற்கொள்ளப்படவில்லை.  எனவே, ஈப்பங்காடு பகுதிக்கு குடிநீர் வழங்க உடனடியாக நடவடிக்கை மேற்கொள்ள வேண்டும் என அதில் தெரிவிக்கப்பட்டுள்ளது.