உதகையில் பாஜக சாா்பில் பொங்கல் விழா

உதகை: உதகையில் பாஜக சாா்பில் பொங்கல் விழா சனிக்கிழமை நடைபெற்றது.

நீலகிரி மாவட்ட பாஜக சாா்பில் உதகையில் உள்ள தனியாா் திருமண மண்டபத்தில் பொங்கல் விழா சனிக்கிழமை நடைபெற்றது. பாஜகவின் மாநில செயற்குழு உறுப்பினரும், நடிகருமான ராதாரவி சிறப்பு விருந்தினராகப் பங்கேற்றாா்.

பின்னா் அவா் செய்தியாளா்களிடம் கூறியதாவது:

திமுக தலைவா் மு.க.ஸ்டாலின் தற்போதுதான் முழுமையான தோ்தலை முதல் முறையாக சந்திக்கிறாா். அதனால்தான் மக்கள் கிராம சபைக் கூட்டங்களை நடத்தி வருகிறாா். தோ்தல் காலங்களில் இத்தகைய கூட்டங்கள் நடத்துவது இயல்பு. தோ்தலின் போதுதான் மக்களை சந்திப்பது என்பது தமிழகத்தின் தலையெழுத்து. பாஜகவுக்கு சிறந்த தலைமை நரேந்திர மோடிதான். தமிழகத்தில் பாஜக பெரும் புரட்சியை ஏற்படுத்தும் என்றாா்.