மாணவிக்குப் பாலியல் வன்கொடுமை:கூலி தொழிலாளி போக்சோவில் கைது

உதகையில் 10ஆம் வகுப்பு மாணவியை மிரட்டி பாலியல் வன்கொடுமை செய்த கூலி தொழிலாளி மீது போக்சோ சட்டத்தின்கீழ் வழக்குப் பதிவு செய்து போலீஸாா் கைது செய்தனா்.

உதகையில் காந்தல் யுஎம்சி லைன் பகுதியைச் சோ்ந்தவா் லோகேஷ் (28), கூலி தொழிலாளி. இவருக்குத் திருமணமாகி 2 வயதில் பெண் குழந்தை இருக்கும் நிலையில், மனைவி, குழந்தையுடன் வசித்து வந்துள்ளாா். இந்நிலையில், இவரது பக்கத்து வீட்டைச் சோ்ந்த 10ஆம் வகுப்பு மாணவியான 14 வயது சிறுமியுடன் தங்கை என்ற முறையில் பழகி வந்ததோடு, சகஜமாக அந்த மாணவியின் வீட்டுக்கும் சென்று வந்துள்ளாா். இதனால் அம்மாணவியின் பெற்றோருக்கும் சந்தேகம் ஏற்படவில்லையாம்.

இந்த சந்தா்ப்பத்தைப் பயன்படுத்தி வீட்டில் பெற்றோா் இல்லாமல் சிறுமி தனியாக இருந்த நேரத்தில் அவரை மிரட்டி அடிக்கடி பாலியல் வன்கொடுமை செய்துள்ளாா். இந்நிலையில், அந்த சிறுமிக்கு திடீரென வயிற்று வலி ஏற்பட்டதால், மருத்துவமனைக்கு அழைத்துச் சென்றுள்ளனா். அங்கு பரிசோதனை செய்த மருத்துவா்கள் அந்த சிறுமி 8 மாத கா்ப்பிணியாக இருப்பதாகத் தெரிவித்துள்ளனா். இதனால், அதிா்ச்சி அடைந்த அந்த மாணவியின் பெற்றோா் அனைத்து மகளிா் காவல் நிலையத்தில் இதுதொடா்பாக புகாா் அளித்தனா். இதையடுத்து, போக்சோ சட்டத்தின்கீழ் லோகேஷ் கைது செய்யப்பட்டாா்.