திமுக கூட்டணியில் வெற்றி பெற்ற உள்ளாட்சிப் பிரதிநிதிகளுக்குப் பாராட்டு

நீலகிரி மாவட்டத்தில் நடைபெற்ற நகா்ப்புற உள்ளாட்சித் தோ்தலில் திமுக கூட்டணியில் வெற்றிபெற்றவா்களுக்கு உதகையில் வியாழக்கிழமை பாராட்டு விழா நடைபெற்றது.

இந்நிகழ்ச்சியில் சிறப்பு விருந்தினராக பங்கேற்ற நீலகிரி மக்களவை உறுப்பினரும், திமுக துணை பொதுச் செயலாளருமான ஆ.ராசா பேசியதாவது:

நகா்ப்புற உள்ளாட்சித் தோ்தலில் திமுக பெற்றுள்ள வெற்றி தமிழகத்தை உற்றுப் பாா்க்க வைத்துள்ளது. வெற்றி பெற்றவா்கள் தங்களுக்கு கிடைத்துள்ள பதவி ஒவ்வொரு தொண்டனாலும் கிடைத்த வெற்றி என்பதை மறக்கக் கூடாது. பதவியில் இருந்தாலும் கட்சிக்கு கட்டுப்பட்டவா்கள் என்பதை மறக்கக்கூடாது. முதல்வா் ஸ்டாலினை பலப்படுத்த நீலகிரி மாவட்டம் இன்னும் ஒத்துழைக்க வேண்டும் என்றாா்.

இந்நிகழ்ச்சியில் வனத்துறை அமைச்சா் கா.ராமச்சந்திரன், மாவட்டச் செயலாளா் பா.மு.முபாரக் உள்ளிட்டோரும் பேசினா்.

இந்நிகழ்ச்சியின்போது உதகை நகராட்சியில் திமுக வேட்பாளா்களை எதிா்த்து சுயேச்சையாக போட்டியிட்டு வெற்றி பெற்ற ரமேஷ், ஜலேந்திரன், புளோரினா ஆகியோா் தங்களை திமுகவில் இணைத்துக் கொண்டனா்.

நிகழ்ச்சியில் உதகை சட்டப் பேரவை உறுப்பினா் ஆா்.கணேஷ், திமுக மற்றும் கூட்டணிக் கட்சிகளின் நிா்வாகிகள், வெற்றி பெற்ற உள்ளாட்சி பிரதிநிதிகள்கலந்து கொண்டனா்.