திருப்பூரில் செல்லிடப்பேசி விற்பனை கடையின் பூட்டை உடைத்து 60 செல்லிடப்பேசிகளை திருடிச்சென்ற மா்ம நபா் குறித்து காவல் துறையினா் விசாரித்து வருகின்றனா்.

திருப்பூா், ராம் நகா் பட்டத்தரசியம்மன் கோயில் பகுதியில் எம்.ஷொ்வான்(35) என்பவா் செல்லிடப்பேசி விற்பனை செய்யும் கடை வைத்துள்ளாா். கடந்த வியாழக்கிழமை இரவு 9 மணி அளவில் வியாபாரத்தை முடித்து விட்டு, கடையைப் பூட்டிச் சென்றாா்.

பின்னா் வெள்ளிக்கிழமை காலை கடையைத் திறப்பதற்காக வந்தபோது கடையின் பூட்டு உடைக்கப்பட்டிருந்தது கண்டு அதிா்ச்சி அடைந்தாா்.

மேலும் கடையில் வைக்கப்பட்டிருந்த 60 செல்லிடப்பேசிகள் திருட்டுப்போனது தெரியவந்தது. இதுகுறித்து ஷொ்வான் அளித்த புகாரின்பேரில் திருப்பூா் வடக்கு காவல் துறையினா் வழக்குப் பதிந்து விசாரணை நடத்தி வருகின்றனா்.