திருப்பூர் மாவட்டத்தில் உரிமையியல் நீதிமன்றங்களுக்கு மே 1 முதல் ஜூன் 1 ஆம் தேதி வரையில் கோடை கால விடுமுறை அளிக்கப்பட்டுள்ளது. 
 இதனிடையே, அவசர குற்ற வழக்குகளை விசாரிக்க மாவட்ட மகளிர் நீதிமன்ற நீதிபதி ஜெயந்தி தலைமையில் கீழ்க்கண்ட தேதிகளில் கோடை விடுமுறை கால நீதிமன்றம் செயல்படும்.
 ஜாமீன் அல்லது முன்ஜாமீன் தொடர்பாக மே 3, 10, 17, 24, 28 ஆம் தேதிகளில் தாக்கல் செய்யப்படும் மனுக்களின் மீதான விசாரணை முறையே மே 7, 14, 21, 28, 31 ஆகிய தேதிகளில் நடைபெறும்.
 இத்தகவல் மாவட்ட நீதிமன்ற அலுவலகம் வெளியிட்டுள்ள செய்திக் குறிப்பில் தெரிவிக்கப்பட்டுள்ளது.