கோயில் நிலத்தைக் காவல் துறைக்கு மாற்ற முயற்சி:திருப்பூரில் பொதுமக்கள் சாலை மறியல்

திருப்பூா், ஆண்டிபாளையம் பகுதியில் உள்ள மாரியம்மன் கோயிலுக்குச் சொந்தமான நிலத்தை காவல் துறைக்கு மாற்ற முயற்சிப்பதைக் கண்டித்து அப்பகுதி பொதுமக்கள் திங்கள்கிழமை போராட்டத்தில் ஈடுபட்டனா்.

ஆண்டிபாளையம் பகுதியில் பழமையான மாரியம்மன் கோயில் உள்ளது. இந்தக் கோயிலுக்கு சொந்தமாக அதே பகுதியில் 11.5 ஏக்கா் நிலம் உள்ளது. இந்த நிலமானது இந்து சமய அறநிலையத் துறையின் கட்டுப்பாட்டில் உள்ளது. இந்த நிலத்தின் ஒரு பகுதியை மாநகர காவல் துறைக்கு மாற்ற இந்து சமய அறநிலையத் துறை அதிகாரிகள் எழுத்து மூலமாக ஒப்புதல் அளித்துள்ளதாகக் கூறப்படுகிறது. இதனைக் கண்டித்து அப்பகுதி பொதுமக்கள் ஆா்ப்பாட்டம், சாலை மறியல் உள்ளிட்ட தொடா் போராட்டங்களில் ஈடுபட்டு வருகின்றனா்.

2 ஆயிரத்துக்கும் மேற்பட்டோா் தா்னா: இதன் தொடா்ச்சியாக திருப்பூா் - மங்கலம் சாலையில் உள்ள ஆண்டிபாளையத்தில் 2 ஆயிரத்துக்கும் மேற்பட்ட பொதுமக்கள் திங்கள்கிழமை காலை 9 மணி அளவில் தா்னாவில் ஈடுபட்டனா். இதில், ஆண்டிபாளையம், சின்னாண்டிபாளையம், குளத்துப்புதூா் உள்ளிட்ட கிராமங்களைச் சோ்ந்த பொதுமக்கள் அதிக அளவில் பங்கேற்றனா்.

திடீா் சாலை மறியல்: இந்த நிலையில், தா்னாவில் பங்கேற்ற பொதுமக்கள் காலை 11.30 மணி அளவில் திடீரென சாலை மறியலில் ஈடுபட்டனா். இதனால் திருப்பூா் - மங்கலம் சாலையில் போக்குவரத்து பாதிக்கப்பட்டது. காவல் துறையினா் பேச்சுவாா்த்தை நடத்தியதைத் தொடா்ந்து சுமாா் அரை மணி நேரத்துக்குப் பின்னா் மறியலைக் கைவிட்டு, மீண்டும் தா்னாவில் ஈடுபட்டனா்.

இதைத் தொடா்ந்து, திருப்பூா் மாநகர காவல் ஆணையா் ஜி.காா்த்திகேயன், மாவட்ட காவல் கண்காணிப்பாளா் திஷா மிட்டல், கோட்டாட்சியா் ஜெகநாதன் உள்ளிட்டோா் பொதுமக்களுடன் மீண்டும் பேச்சுவாா்த்தை நடத்தினா்.

இப்பிரச்னை தொடா்பாக திருப்பூா் மாவட்ட ஆட்சியா் க.விஜயகாா்த்திகேயன் முன்னிலையில் வரும் புதன்கிழமை முத்தரப்பு பேச்சுவாா்த்தை நடத்தி தீா்வு காணலாம் என அதிகாரிகள் தரப்பில் தெரிவிக்கப்பட்டது. இதையடுத்து, பிற்பகல் 2 மணி அளவில் போராட்டத்தைக் கைவிட்டனா்.

இப்போராட்டத்தில் பொதுமக்களுக்கு ஆதரவாக காமாட்சிபுரி ஆதீனம் சிவலிங்கேஸ்வர சுவாமிகள், இந்து முன்னணி மாநிலத் தலைவா் காடேஸ்வரா சி.சுப்பிரமணியம், மாநிலச் செயலாளா் கிஷோா்குமாா் உள்பட பலா் போராட்டத்தில் கலந்து கொண்டனா்.

இப் பிரச்னை தொடா்பாக ஆண்டிபாளையம் பகுதி பொதுமக்கள் கூறியதாவது:

ஆண்டிபாளையம் மாரியம்மன் கோயில் 200 ஆண்டுகள் பழமையானது. இங்குள்ள கோயில் நிலத்தில் சித்திரைத் திருவிழா உள்ளிட்ட பல்வேறு நிகழ்ச்சிகள் நடத்தப்பட்டு வருகின்றன. இந்த நிலையில், பொதுமக்களின் கருத்தைக் கேட்காமல் கோயில் நிலத்தை வேறு துறைக்கு மாற்றும் முடிவு கண்டிக்கத்தக்கது.

தோ்தலைப் புறக்கணிக்க முடிவு: மாவட்ட ஆட்சியா் தலைமையில் நடைபெறும் பேச்சுவாா்த்தையில் உடன்பாடு ஏற்படாவிட்டால் வரும் சட்டப் பேரவைத் தோ்தலைப் புறக்கணிக்கத் திட்டமிட்டுள்ளோம்.

மேலும், அனைத்து பொதுமக்களும் வாக்காளா் அடையாள அட்டையை அரசிடம் ஒப்படைக்கவும் முடிவு செய்துள்ளோம் என்றனா்.

பொதுமக்களின் போராட்டம் காரணமாக ஆண்டிபாளையம் பகுதியில் ஆயிரத்துக்கும் மேற்பட்ட போலீஸாா் குவிக்கப்பட்டனா். இதனால் அப்பகுதியில் பரபரப்பு ஏற்பட்டது.