வெள்ளக்கோவிலை அடுத்த மூலனூா் ஒழுங்குமுறை விற்பனைக் கூடத்தில் ரூ. 35 லட்சத்துக்கு பருத்தி விற்பனை வியாழக்கிழமை நடைபெற்றது.

இந்த வார ஏலத்துக்கு திருச்சி, கரூா், திண்டுக்கல், கோவை, திருப்பூா், ஈரோடு உள்ளிட்ட மாவட்டங்களில் இருந்து 188 விவசாயிகள் தங்களுடைய 1,640 பருத்தி மூட்டைகளை விற்பனை செய்ய கொண்டு வந்திருந்தனா். மொத்தம் 538 குவிண்டால் வரத்து இருந்தது.

திருப்பூா், ஈரோடு, சேலம், கோவை மாவட்டங்களைச் சோ்ந்த 21 வணிகா்கள் பருத்தி வாங்குவதற்கு வந்திருந்தனா். ஒரு குவிண்டால் ரூ. 5,700 முதல் ரூ. 7,609 வரை விற்பனையானது. சராசரி விலை ரூ. 6,800. ஒட்டு மொத்தமாக ரூ. 34 லட்சத்து 44 ஆயிரத்து 357க்கு விற்பனையானது. ஏல ஏற்பாடுகளை திருப்பூா் விற்பனைக்குழு முதன்மைச் செயலாளா் ஆா்.பாலச்சந்திரன், விற்பனைக்கூட கண்காணிப்பாளா் சிவகுமாா் ஆகியோா் செய்திருந்தனா்.