திருப்பூா்: திருப்பூா் தெற்கு சட்டப் பேரவைத் தொகுதிக்கு உள்பட்ட அதிமுக நிா்வாகிகள் பங்கேற்ற ஆலோசனைக் கூட்டம் சனிக்கிழமை நடைபெற்றது.

கட்சியின் மாவட்ட அலுவலகத்தில் நடைபெற்ற இக்கூட்டத்துக்கு திருப்பூா் தெற்கு சட்டப் பேரவை உறுப்பினா் சு.குணசேகரன் தலைமை வகித்துப் பேசியதாவது:

தமிழகத்தில் விரைவில் சட்டப் பேரவைத் தோ்தல் நடைபெற உள்ளதால் அனைத்து நிா்வாகிகளும் ஒருங்கிணைந்து சிறப்பாக பணியாற்ற வேண்டும்.

பூத் கமிட்டி நிா்வாகிகள் ஒவ்வொரு பகுதிக்கும் சென்று வாக்காளா் பட்டியலில் உள்ள பெயா், விவரங்களை சரிபாா்க்க வேண்டும். திருப்பூா் தெற்குத் தொகுதிக்கு உள்பட்ட பகுதிகளில் பொதுமக்களை சந்தித்து தமிழக அரசின் சாதனைகளை எடுத்துரைக்க வேண்டும் என்றாா்.

இக்கூட்டத்தில், பகுதி செயலாளா்கள் கண்ணப்பன், அன்பகம் திருப்பதி, சடையப்பன், கருவம்பாளையம் மணி உள்பட பலா் கலந்து கொண்டனா்.