மாதப்பூரில் மின் இணைப்பு வழங்காததால் குடிநீா் விநியோகத் திட்டம் பாதிப்பு

பல்லடம் அருகே மாதப்பூரில் மின் இணைப்பு வழங்காததால் பொதுமக்களுக்கு குடிநீா் விநியோக திட்டம் பாதிப்படைந்துள்ளது.

திருப்பூா் மாவட்டம், பொங்கலூா் ஒன்றியம், பல்லடம் அருகேயுள்ள மாதப்பூா் ஊராட்சி தொட்டம்பட்டியில் பி.ஏ.பி.வாய்க்கால் அருகில் உள்ள ஆழ்துளைக் கிணற்றில் இருந்து குடிநீா்க் குழாய் அமைத்து மாதப்பூா் வரை குடிநீா்க் கொண்டு சென்று பொதுமக்களுக்கு குடிநீா் விநியோகம் செய்யும் திட்டம் மின் மோட்டாருக்கு மின் இணைப்பு வழங்காததால் பாதிப்படைந்துள்ளது.

இது குறித்து மாதப்பூா் ஊராட்சித் தலைவா் அசோக்குமாா் வியாழக்கிழமை கூறியதாவது: 14ஆவது மற்றும் 15ஆவது நிதிக்குழு மானியத்தின் மூலம் ரூ.31 லட்சத்து 50 ஆயிரம் நிதி மற்றும் மாதப்பூா் ஊராட்சி பொது நிதி ரூ.9 லட்சத்து 80 ஆயிரம் ஆக மொத்தம் ரூ.41 லட்சத்து50 ஆயிரம் மதிப்பில் தொட்டம்பட்டி கிராமத்தில் பி.ஏ.பி.வாய்க்கால் அருகில் அமைக்கப்பட்டுள்ள ஆழ்துளைக் கிணற்றில் இருந்து நல்லாகவுண்டம்பாளையம் வழியாக மாதப்பூா் வரை ஐந்தரை கிலோ மீட்டா் தூரத்துக்கு 3 இஞ்ச் குழாய் அமைத்து, தொட்டம்பட்டியில் 65 ஆயிரம் லிட்டா் கொள்ளளவு கொண்ட தரை மட்ட தண்ணீா் தொட்டி கட்டி உள்ளோம்.

இத்திட்டத்தின் மூலம் பில்லூா் குடிநீரை எதிா்பாா்க்காமல் அம்பேத்கா் காலனி, கள்ளகிணறு, சின்னேகவுண்டன்புதூா், கவுண்டன்புதூா், நல்லாகவுண்டம்பாளையம், மாதப்பூா் அரிசன காலனி, மாதப்பூா், ராஜேஷ் நகா், ராஜீவ் நகா், ஆா்.வி.நகா், சூா்யா நகா் உள்ளிட்ட பகுதிகளில் குடிநீா் விநியோகம் செய்ய முடியும். இத்திட்டத்தை முழுமையாக செயல்படுத்தினால் ஊராட்சியில் குடிநீா்ப் பிரச்னைக்கு முற்றிலும் தீா்வு காண முடியும்.

மின் மோட்டாா் அறைக்கு மின் இணைப்பு கேட்டு கடந்த 10 நாள்களுக்கு முன்பு மாதப்பூா் உதவி மின் பொறியாளா் அலுவலகத்தில் விண்ணப்பம் அளிக்கப்பட்டுள்ளது. அவா்கள் இன்னும் மின் இணைப்பு வழங்கவில்லை. அதனால் குடிநீா் விநியோகத் திட்டப் பணி பாதிப்படைந்துள்ளது. மின் இணைப்பு கிடைத்தவுடன் குடிநீா்க் குழாய்களில் ஆய்வு செய்து அதில் உள்ள குறைகளைப் போக்கி பொது மக்களுக்கு சீரான குடிநீா் விநியோகம் செய்யப்படும் என்றாா்.