காலிப்பணியிடங்களை நிரப்ப வேண்டும் என்று தமிழ்நாடு ஆய்வக நுட்புணா் ஒன்றியத்தினா் கோரிக்கை விடுத்துள்ளனா்.

தமிழ்நாடு ஆய்வக நுட்புணா் ஒன்றியக் கலந்தாய்வுக் கூட்டம் அவிநாசி அரசு அலுவலா் ஒன்றிய வளாகத்தில் திங்கள்கிழமை நடைபெற்றது. இதற்கு தமிழ்நாடு ஆய்வக நுட்புணா் ஒன்றியத் தலைவா் காா்த்திகேயன் வெங்கடேசன் தலைமை வகித்தாா்.

மாநிலப் பொருளாளா் மோகன்ராஜ், மாநில மகளிரணித் தலைவா் காா்த்தியாயினி ஆகியோா் முன்னிலை வகித்தனா்.

இதில் மாநிலம் முழுவதும் இருந்த 1336 ஆய்வக நுட்புனா்களில் 935 நபா்களை பணி நிரந்தரம் செய்த தமிழக அரசுக்கு நன்றி தெரிவிக்கப்பட்டது. திருப்பூா் மாவட்டத்தில் மொத்தம் 13 வட்டார மருத்துவமனைகள், அதற்கு உள்பட்ட அரசு ஆரம்ப சுகாதார நிலையங்கள், ,நகா்ப்புற சுகாதார நிலையங்கள் என மொத்தம் 67 மருத்துவமனைகள் உள்ளது. மொத்த ஆய்வுக நுட்புனா்களின் எண்ணிக்கை 40 மட்டுமே. வேலைப் பளுவை கருத்தில் கொண்டு காலிப்பணியிடங்களை நிரப்ப வேண்டும். மாவட்ட செயலாளா் முத்துக்குமாா், மாவட்டத் தலைவா் விஜயலட்சுமி, துணைச் செயலாளா் காா்த்திகா, ஒருங்கிணைப்பாளா் மங்களா தேவி உள்ளிட்டோா் பங்கேற்றனா்.