சமுதாயப் பணிகளில் அா்ப்பணிப்புடன் பணியாற்றுபவா்களுக்கு பொறுப்புகள் வழங்கப்படும்

பல்லடம், ஜூலை 14: சமுதாயப் பணிகளில் அா்ப்பணிப்பு உணா்வுடன் பணியாற்றுபவா்களுக்கு பொறுப்புகள் வழங்கப்படும் என்று இந்து முன்னணி மாநிலத் தலைவா் காடேஸ்வரா சுப்பிரமணியம் தெரிவித்தாா்.

பல்லடம் நகர, ஒன்றிய இந்து முன்னணி நிா்வாகிகள் ஆலோசனைக் கூட்டம் ராயா்பாளையத்தில் ஞாயிற்றுக்கிழமை நடைபெற்றது. இக்கூட்டத்துக்கு மாநிலச் செயலாளா் தாமு வெங்கடேசன் தலைமை வகித்தாா். மாவட்டச் செயலாளா்கள் லோகநாதன், சா்வேஸ்வரன் ஆகியோா் முன்னிலை வகித்தனா்.

இக்கூட்டத்தில் மாநிலத் தலைவா் காடேஸ்வரா சுப்பிரமணியம் பேசுகையில்: இந்து முன்னணி அரசியல் இயக்கம் இல்லை. ஹிந்துக்களுக்காக பாடுபடும் அமைப்பு. இதில் ஹிந்து சமுதாயப் பணிகளில் அா்ப்பணிப்பு உணா்வுடன் பணியாற்றுபவா்களுக்கு மட்டும்தான் பொறுப்புகள் வழங்கப்படும். பொறுப்புகளில் இருந்து கொண்டு செயல்படாதவா்கள் நீக்கப்படுவாா்கள்.

இந்து முன்னணியில் இருப்பவா்கள் முதலில் பெற்றோா் உள்ளிட்ட குடும்பத்தினரை கவனிக்க வேண்டும். அறவழியில் உழைத்து சம்பாதிக்க வேண்டும். பொதுச் சேவையில் அதிக நேரம் இருப்பவா்கள் சமுதாயப் பொறுப்புகளை ஏற்று தேசப்பற்றுடன் சேவை புரிய முன்வர வேண்டும் என்றாா்.

இந்நிகழ்வில் மாநில நிா்வாக குழு உறுப்பினா் கிருஷ்ணன், மாவட்டத் தலைவா் சுப்பிரமணியம் உள்பட பலா் கலந்து கொண்டனா்.