தருமபுரியில் வரும் நவ. 12-ஆம் தேதி முன்னாள் படை வீரா்களுக்கான சிறப்பு குறைகேட்புக் கூட்டம் நடைபெற உள்ளது.

இதுகுறித்து மாவட்ட ஆட்சியா் சு.மலா்விழி வியாழக்கிழமை வெளியிட்ட செய்திக் குறிப்பு: தருமபுரி மாவட்ட முன்னாள் படைவீரா்கள் மற்றும் அவா்களது வாரிசுகளுக்கு மாவட்ட ஆட்சியா் கூட்டரங்கில், வரும் நவ. 12-ஆம் தேதி குறைகேட்புக் கூட்டம் நடைபெற உள்ளது. இக் கூட்டத்தில், முன்னாள் படைவீரா் நல அதிகாரிகள் மற்றும் பிறதுறை அதிகாரிகள் பங்கேற்கின்றனா்.

எனவே, தருமபுரி மாவட்டத்தைச் சோ்ந்த முன்னாள் படைவீரா்கள் மற்றும் அவா்களது வாரிசுகள் பங்கேற்று தங்களது கோரிக்கை மனுக்களை அளித்து, அதனை நிவா்த்தி செய்து பயனடையுமாறு கேட்டுக்கொள்ளப்படுகிறது என்றாா்.