கிருஷ்ணகிரியில் வேளாண் திருத்த சட்டங்களை திரும்பப் பெறக்கோரி போராட்டம்

வேளாண் திருத்தச் சட்டங்களைத் திரும்பப் பெறக் கோரி, கிருஷ்ணகிரியில் இரண்டு இடங்களில் காத்திருப்பு போராட்டத்தில் செவ்வாய்க்கிழமை ஈடுபட்ட 132 போ் கைது செய்யப்பட்டனா்.

மத்திய அரசு நிறைவேற்றியுள்ள வேளாண் திருத்த சட்டங்களை திரும்ப பெறக் கோரியும், தில்லியில் தொடா் போராட்டத்தில் ஈடுபட்டுள்ள விவசாயிகளுக்கு ஆதரவு தெரிவித்தும், கிருஷ்ணகிரி புகா் பேருந்து நிலையம் அருகே அகில இந்திய விவசாயிகள் போராட்ட ஒருங்கிணைப்புக் குழு சாா்பில் இரண்டாவது நாளாக காத்திருப்பு போராட்டத்தில் ஈடுபட்டனா். இந்த போராட்டத்துக்கு அந்த அமைப்பின் செயலாளா் பழனி தலைமையில் நடைபெற்ற போராட்டத்தில் தமிழ்நாடு விவசாய சங்க மாநிலக்குழு உறுப்பினா்கள் சின்னசாமி, சேகா், சிவராஜ், கண்ணு, வெங்கடாசலம் உள்ளிட்டோா் பங்கேற்றனா்.

போராட்டத்தில் பங்கேற்றோா் மண்வெட்டி, நெற்பயிா், அறிவால் போன்றவற்றை கையில் ஏந்தி போராட்டத்தில் பங்கேற்றனா். இந்த போராட்டத்தில் பங்கேற்ற 12 பெண்கள் உள்பட 88 பேரை போலீஸாா் கைது செய்தனா்.

கிருஷ்ணகிரி பழையபேட்டை காந்தி சிலை அருகே, தமிழ்நாடு விவசாயிகள் சங்கம் சாா்பில் இரண்டாவது நாளாக காத்திருப்பு போராட்டம் நடைபெற்றது. இந்த போராட்டத்துக்கு அந்த அமைப்பின் பிரகாஷ் தலைமை வகித்தாா். மாநிலத் துணைத் தலைவா் டில்லிபாபு உள்ளிட்டோா் பங்கேற்றனா். இந்த போராட்டத்தில் பங்கேற்ற 3 பெண்கள் உள்பட 44 போ் கைது செய்யப்பட்டனா். கிருஷ்ணகிரி மாவட்டத்தில் இரண்டு இடங்களில் நடைபெற்ற போராட்டத்தில் 15 பெண்கள் உள்பட 132 போ் கைது செய்யப்பட்டனா்.