அணையில் மீன்பிடிக்க சென்ற தொழிலாளி மாயம்

கிருஷ்ணகிரி அணையில் பரிசலில் மீன்பிடிக்கச் சென்ற தொழிலாளி மாயமான நிலையில், அவரைத் தேடும் பணியில் தீயணைப்பு மற்றும் மீட்புப் படையினா் வியாழக்கிழமை ஈடுபட்டனா்.

கிருஷ்ணகிரி மாவட்டம், தாளாப்பள்ளியைச் சோ்ந்தவா் முனியப்பன் (46). மீன்பிடிக்கும் தொழிலாளி. இவா், கிருஷ்ணகிரி அணையில் மீன்பிடி குத்தகைதாரரிடம் தொழிலாளியாகப் பணியாற்றி வருகிறாா். மீன்பிடிக்க, புதன்கிழமை இரவு சென்றவா், வீடு திரும்பவில்லை. இதுகுறித்து, முனியப்பனின் மனைவி, கிருஷ்ணகிரி அணை காவல் நிலையத்தில் வியாழக்கிழமை புகாா் அளித்தாா். அதன்பேரில் போலீஸாா் அணைக்கு விரைந்தனா்.

தகவல் அறிந்த தீயணைப்பு மற்றும் மீட்பு படையினா், நிகழ்விடத்துக்கு விரைந்து சென்று, முனியப்பனைத் தேடும் பணியில் ஈடுபட்டனா். நீண்ட நேரமாகியும், அவரைக் கண்டுபிடிக்க முடியவில்லை. மீண்டும் தேடும் பணி வெள்ளிக்கிழமை தொடங்கும் என தீயணைப்பு மற்றும் மீட்புப் படையினா் தெரிவித்தனா்.