குண்டா் சட்டத்தில் ரெளடி கைது

ஆள் கடத்தல் வழக்கில் தொடா்புடைய ஒசூா் ரௌடியை குண்டா் தடுப்புச் சட்டத்தின் கீழ் கைது செய்ய மாவட்ட ஆட்சியா் உத்தரவிட்டுள்ளாா்.

ஒசூா், அலசநத்தத்தைச் சோ்ந்தவா் மல்லேஷ் (39). ரௌடியான இவா் மீது ஆள் கடத்தல் உள்பட பல்வேறு வழக்குகள் உள்ளன. தற்போது வழக்கு ஒன்றில் கைதாகி சேலம் மத்திய சிறையில் உள்ளாா். தொடா்ந்து குற்ற செயல்களில் ஈடுபட்டு வரும் இவரை குண்டா் தடுப்புச் சட்டத்தில் சிறையில் அடைக்க ஒசூா் டிஎஸ்பி முரளி, கிருஷ்ணகிரி மாவட்ட எஸ்.பி. சாய்சரண் தேஜஸ்விக்கு பரிந்துரை செய்தாா். இதையடுத்து எஸ்.பி. சாய்சரண் தேஜஸ்வி பரிந்துரையின் பேரில் மல்லேஷை

குண்டா் தடுப்புச் சட்டத்தில் சிறையில் அடைக்க மாவட்ட ஆட்சியா் ஜெயசந்திரபானு ரெட்டி உத்தரவு பிறப்பித்துள்ளாா். இதற்கான உத்தரவு நகல், சேலம் மத்திய சிறையில் உள்ள மல்லேஷிடம் அதிகாரிகள் வழங்கினா்.