சூளகிரியில் இன்று ஸ்டாலின் பிரசாரம்

கிருஷ்ணகிரி மாவட்டம், சூளகிரியில் திமுக தலைவா் ஸ்டாலின் செவ்வாய்க்கிழமை (மாா்ச் 23) திமுக கூட்டணி வேட்பாளா்களை ஆதரித்து பிரசாரம் செய்கிறாா்.

தமிழக சட்டப் பேரவைத் தோ்தல் வாக்குப் பதிவு ஏப். 6-ஆம் தேதி நடைபெறுகிறது. இதையொட்டி, அரசியல் கட்சிகளின் தலைவா்கள், தங்களது கூட்டணி கட்சி வேட்பாளா்கலள ஆதரித்து தீவிர பிரசாரத்தில் ஈடுபட்டு வருகின்றனா்.

இந்த நிலையில், திமுக தலைவா் ஸ்டாலின் கிருஷ்ணகிரி மாவட்டம், சூளகிரியில் மாா்ச் 23-ஆம் தேதி காலை 9 மணியளவில் பிரசாரத்தில் ஈடுபட உள்ளாா். அதில், ஊத்தங்கரை (தனி) கூட்டணி கட்சியான காங்கிரஸ் கட்சி வேட்பாளா் ஆறுமுகம், பா்கூா் திமுக வேட்பாளா் தே.மதியழகன், கிருஷ்ணகிரி திமுக வேட்பாளா் டி.செங்குட்டுவன் எம்.எல்.ஏ., வேப்பனப்பள்ளி திமுக வேட்பாளா் பி.முருகன் எம்.எல்.ஏ.,, ஒசூா் திமுக வேட்பாளா் ஓய்.பிரகாஷ் எம்.எல்.ஏ., தளி கூட்டணி கட்சியான இந்திய கம்யூனிஸ்ட் கட்சி வேட்பாளா் ராமசந்திரன் ஆகியோரை ஆதரித்து பிரசாரத்தில் ஈடுபடுகிறாா். 

பிரசாரத்துக்கு பிறகு, அவா் கிருஷ்ணகிரி வழியாக தருமபுரி மாவட்டம், பாலக்கோட்டில் நடைபெறும் பிரசாரத்தில் ஈடுபட உள்ளாா். ஸ்டாலின் வருகையையொட்டி ஏராளமான போலீஸாா் பாதுகாப்புப் பணியில் ஈடுபடுத்தப்பட்டுள்ளனா்.