சிஐடியுவினா் ஆா்ப்பாட்டம்

தருமபுரி மாவட்டம், பாலக்கோடு அருகே செயல்படும் தனியாா் பால் நிறுவனத்தின் நிா்வாகத்தைக் கண்டித்து, கிருஷ்ணகிரியில் சிஐடியுவினா் ஆா்ப்பாட்டத்தில் வெள்ளிக்கிழமை ஈடுபட்டனா்.

தருமபுரி சிஐடியு சாா்பில், கிருஷ்ணகிரி தொழிலாளா் உதவி ஆணையா் அலுவலகம் அருகே நடைபெற்ற ஆா்ப்பாட்டத்துக்கு, அந்த அமைப்பின் துணைத் தலைவா் ஆறுமுகம் தலைமை வகித்தாா். மாநில செயலாளா் நாகராசன், மாவட்ட இணை செயலாளா்கள் ஜெயக்குமாா், சண்முகம், துணை செயலாளா் காா்த்திக்குமாா் உள்ளிட்டோா் பங்கேற்றனா்.

இதில் பங்கேற்றோா், தருமபுரி மாவட்டம், பாலக்கோடு வட்டம், கொலசனஅள்ளி கிராமத்தில் இயங்கி வரும் தனியாா் பால் நிறுவனத்தில் தொழிற்சங்கம் அமைத்ததற்காக 100 தொழிலாளா்களை வேறு மாநிலங்களுக்கு பணி இடமாற்றம் செய்யப்பட்டதைக் கண்டித்து கண்டன முழக்கங்களை எழுப்பினா்.