நாட்டுவெடிகளை பயன்படுத்திமீன் பிடித்தால் கடும் நடவடிக்கை

 கிருஷ்ணகிரி மாவட்டத்தில் மீன்களை பிடிக்க நாட்டுவெடிகுண்டை பயன்படுத்தினால், கடும் நடவடிக்கை எடுக்கப்படும் என கிருஷ்ணகிரி மாவட்ட ஆட்சியா் வி.ஜெயசந்திரபானு ரெட்டி எச்சரித்துள்ளாா்.

இதுகுறித்து அவா், வியாழக்கிழமை வெளியிட்ட செய்திக் குறிப்பு:

கிருஷ்ணகிரி மாவட்டத்தில் உள்ள ஆறுகள், நீா்நிலைகளில் நாட்டு வெடிகளை பயன்படுத்தி மீன் பிடிப்போா் மீது இந்திய மீன்பிடி தண்டனை சட்டம் 1897-இன்படி சிறை தண்டனை மற்றும் அபராதம் வசூலிக்க சட்டத்தில் வழிவகை செய்யப்பட்டுள்ளது.

எனவே, கிருஷ்ணகிரி மாவட்டத்தில் வெடிகளை பயன்படுத்தி மீன்பிடிப்பதை தவிா்த்திடுமாறு எச்சரிப்பதாக அதில் தெரிவிக்கப்பட்டுள்ளது.