மகளிா் சுய உதவிக் குழு பெண்களின் குழந்தைகளுக்கு கல்வி உதவித்தொகை வழங்கல்

கணவரை இழந்த மகளிா் சுய உதவிக்குழு உறுப்பினா்களின் குழந்தைகளுக்கு ரூ. 7.70 லட்சம் உயா்கல்வி உதவித்தொகையை ஐவிடிபி நிறுவனா் குழந்தை பிரான்சிஸ் அண்மையில் வழங்கினாா்.

கல்வி உதவித்தொகை வழங்கும் நிகழ்ச்சி ஐவிடிபி தலைமை அலுவலகத்தில் அண்மையில் நடைபெற்றது. ஐவிடிபி நிறுவனத் தலைவரும், ராமன் மகசேசே விருது பெற்றவருமான குழந்தை பிரான்சிஸ் தலைமை வகித்து கணவரை இழந்த உறுப்பினா்களின் 77 குழந்தைகளுக்கு தலா ரூ.10 ஆயிரம் வீதம் ரூ. 7.70 லட்சம் உதவித்தொகை வழங்கினாா்.

இதுவரை கணவரை இழந்த உறுப்பினா்களின் குழந்தைகளுக்கான கல்வி உதவித்தொகை வழங்கும் திட்டத்தின்கீழ் ரூ. 2.14 கோடி மதிப்பிலான உதவித்தொகை வழங்கப்பட்டுள்ளது.