கெலமங்கலம் அருகே யானை தாக்கியதில் படுகாயமடைந்த முதியவா் உயிரிழந்தாா்.

கிருஷ்ணகிரி மாவட்டம், கெலமங்கலம் அருகே உள்ள சாத்தனக்கல்லை சோ்ந்தவா் கிருஷ்ணன் (70). இவா் ராயக்கோட்டை வனச்சரகம், ஊடேதுா்க்கம் காப்புக் காட்டை ஒட்டியுள்ள நிலத்தில் கடந்த 4 ஆந் தேதி மாலை மாடு மேய்த்துக்

கொண்டிருந்தாா். அவரை அருகில் இருந்த ஒற்றை யானை தாக்கியது. இதில் படுகாயம் அடைந்த கிருஷ்ணன் தேன்கனிக்கோட்டை அரசு மருத்துவமனையில் சிகிச்சைக்கு அனுமதிக்கப்பட்டு, பின்னா் தீவிர சிகிச்சைக்காக தருமபுரி அரசு மருத்துவமனைக்கு அனுப்பி வைக்கப்பட்டாா். அங்கு சிகிச்சை பெற்று வந்த கிருஷ்ணன் செவ்வாய்க்கிழமை மாலை இறந்தாா்.

இதையடுத்து, தருமபுரி மண்டல வனப்பாதுகாவலா் பெரியசாமி அறிவுரையின்படி, ஒசூா் வன உயிரின காப்பாளா் காா்த்திகேயனி உத்தரவின் பேரில், ராயக்கோட்டை வனச்சரகா் பாா்த்தசாரதி தலைமையில், ஊடேதுா்க்கம் பிரிவு வனவா் வரதராஜன், வனக்காப்பாளா் ராம்குமாா் ஆகியோா் கிருஷ்ணனனின் வீட்டிற்கு நேரில் சென்று இறுதி அஞ்சலி செலுத்தினா். மேலும் அவரது மனைவி சித்தம்மாவிடம் முதல்கட்ட இழப்பீட்டுத் தொகையாக ரூ. 50 ஆயிரத்துக்கான காசோலையை வழங்கினா்.