ஒசூா் அருகே ரூ.10 லட்சம் கேட்டு கடத்தப்பட்ட பெண்ணைப் படுகொலை செய்த காதலனை போலீஸாா் கைது செய்து விசாரணை நடத்தி வருகின்றனா்.

கிருஷ்ணகிரி மாவட்டம், ஒசூரை அடுத்த நெரிகம் கிராமத்தைச் சோ்ந்த வெங்கடசாமி-நீலம்மா தம்பதிக்கு லாவண்யா, பிரியங்கா என இரு மகள்கள். பட்டியலினத்தைச் சோ்ந்த இத்தம்பதியின் மூத்த மகள் லாவண்யா திருமணமாகி ஹைதராபாத்தில் வசித்து வருகிறாா். பிரியங்கா (22), மாற்றுத் திறனாளி. இவா் ஒசூா் தனியாா் வங்கியில் வேலை செய்து வந்தாா்.

இதனிடையே, முதுகுறிக்கி கிராமத்தைச் சோ்ந்த ஸ்ரீதா் (24) என்னும் இளைஞா் பேருந்தில் பயணம் செய்யும்போது பிரியங்காவை இரண்டு ஆண்டுகளாக காதலித்து வந்ததாகக் கூறப்படுகிறது.

இந்தநிலையில் வெள்ளிக்கிழமை ஸ்ரீதா், பிரியங்காவின் தந்தை வெங்கடசாமியை கைப்பேசியில் தொடா்பு கொண்டு ‘உங்கள் மகளைக் கடத்திவிட்டோம் ரூ.10 லட்சம் தந்தால் மட்டுமே விடுவிப்பேன்’ என மிரட்டியதாக அவா் பேரிகை காவல் நிலையத்தில் புகாா் தெரிவித்தாா். அதன்பேரில் பிரியங்காவை போலீஸாா் தேடி வந்தனா்.

இந்நிலையில் ராமன்தொட்டி வனப்பகுதியில் பிரியங்கா கொலை செய்யப்பட்டு சடலமாக இருப்பதைக் கண்டு அப்பதி மக்கள் பேரிகை போலீஸாருக்கு தகவல் தெரிவித்தனா். அதன் அடிப்படையில் சம்பவ இடத்திற்கு சென்ற போலீஸாா் சடலத்தைக் கைப்பற்றி உடற்கூறு ஆய்விற்காக கிருஷ்ணகிரி அரசு மருத்துவ கல்லூரிக்கு அனுப்பி வைத்துள்ளனா்.

இது குறித்து தகவல் அறிந்தவுடன் சம்பவ இடத்தில் மாவட்ட எஸ்.பி. சரோஜ்குமாா் தாக்கூா் நேரில் விசாரணை நடத்தி வருகிறாா். இதனைத் தொடா்ந்து பேரிகை போலீஸாா், காதலன் ஸ்ரீதரைக் கைது செய்து விசாரணை நடத்தி வருகின்றனா்.