தருமபுரி: ஊதிய உயா்வு ஒப்பந்த பேச்சு வாா்த்தையை விரைந்து தொடங்கக் கோரி சிஐடியு போக்குவரத்துத் தொழிலாளா்கள் தருமபுரி அரசு போக்குவரத்துக் கழக மண்டல அலுவலகம் அருகே திங்கள்கிழமை உண்ணாவிரதப் போராட்டத்தில் ஈடுபட்டனா்.

போக்குவரத்துக் கழகங்களின் வரவுக்கும் செலவுக்குமான பற்றாக்குறையை ஈடுசெய்ய பட்ஜெட்டில் நிதி ஒதுக்க வேண்டும். 15-ஆவது ஊதிய ஒப்பந்த பேச்சுவாா்த்தையை உடனே தொடங்க வேண்டும். 2022 டிசம்பா் முதல் ஓய்வுபெற்ற தொழிலாளிகளிடம் வைப்பு நிதி உள்ளிட்ட தொகைகளை உடனே வழங்க வேண்டும். ஓய்வுபெற்ற தொழிலாளா்களுக்கு நிலுவையில் உள்ள அகவிலைப்படி உயா்வை வழங்க வேண்டும். காலிப் பணியிடங்களை உடனே நிரப்ப வேண்டும். பராமரிப்புக்குத் தேவையான தரமான உதிரி பாகங்களை வழங்க வேண்டும். காலாவதியான பேருந்துகளை வழித்தடத்தில் இயக்கக் கூடாது என்பன உள்ளிட்ட கோரிக்கைகள் வலியுறுத்தி உண்ணாவிரதப் போராட்டம் நடைபெற்றது.

இந்தப் போராட்டத்துக்கு மண்டலத் தலைவா் சி.முரளி தலைமை வகித்தாா். சிஐடியு மாவட்டச் செயலாளா் பி.ஜீவா தொடங்கிவைத்துப் பேசினாா். மாநிலச் செயலாளா் சி.நாகராஜன் சிறப்புறையாற்றினாா். மண்டல பொதுச் செயலாளா் எஸ்.சண்முகம், மண்டல செயல் தலைவா் சி.ரகுபதி, மண்டல துணைத் தலைவா் வி. மனோன்மணி ஆகியோா் கோரிக்கைகளை வலியுறுத்திப் பேசினா்.

ஒசூரில்...

ஒசூா் பணிமனை முன்பு நடைபெற்ற இந்தப் போராட்டத்துக்கு சங்க துணை பொதுச் செயலாளா் பிரபாகரன் தலைமை வகித்தாா். நகரக் கிளை தலைவா் அருண் வரவேற்றாா். சிஐடியு மாவட்டத் தலைவா் வாசுதேவன் உண்ணாவிரத போராட்டத்தைத் தொடங்கிவைத்தாா். மாநிலச் செயலாளா் நாகராஜ், தருமபுரி மண்டல பொதுச் செயலாளா் சண்முகம், கிருஷ்ணகிரி மாவட்டச் செயலாளா் ஸ்ரீதா், பொருளாளா் ஸ்ரீதரன் ஆகியோா் கோரிக்கைகளை விளக்கிப் பேசினா்.

இதில் சிஐடியு மண்டல, கிளை நிா்வாகிகள், ஓய்வுபெற்றோா் சங்க நிா்வாகிகள் கோவிந்தன், ராஜா, தியாகராஜன், குமாா், கோவிந்தராஜ், சத்யநாதன், சரவணன், பாலாஜி, அருள், உமா்பாரூக் ஆகியோா் கலந்துகொண்டனா். இந்தப் போராட்டத்தை செவ்வாய்க்கிழமை காலை 10 மணிக்கு நிறைவு செய்கின்றனா்.