பரமத்திவேலூர் சேலம் ஒழுங்குமுறை விற்பனை கூடத்தில் வியாழக்கிழமை நடைபெற்ற ஏலத்தில் கொப்பரைத் தேங்காய் குறைந்த விலைக்கு ஏலம் போனது.
கடந்த வாரம் நடைபெற்ற ஏலத்தில் 4 ஆயிரத்து 243 கிலோ கொப்பரைத் தேங்காய் கொண்டு வரப்பட்டிருந்தன. இதில் அதிகபட்சமாக கிலோ ஒன்று ரூ.110-க்கும், குறைந்த பட்சமாக ரூ.100.55 -க்கும், சராசரியாக ரூ.108-க்கும் ஏலம் போனது. மொத்தம் ரூ. 4 லட்சத்து 18 ஆயிரத்து 292-க்கு வர்த்தகம் நடைபெற்றது.
நிகழ் வாரம் வியாழக்கிழமை நடைபெற்ற ஏலத்துக்கு 3 ஆயிரத்து 190 கிலோ கொண்டு வரப்பட்டிருந்தது. இதில் அதிகபட்சமாக கிலோ ஒன்று ரூ.109.10 -க்கும், குறைந்தபட்சமாக ரூ. 101.59 -க்கும், சராசரியாக ரூ. 106.60-க்கும் ஏலம் போனது. மொத்தம் ரூ. 3 லட்சத்து 4 ஆயிரத்து 61-க்கு வர்த்தகம் நடைபெற்றது. விலை சரிவடைந்துள்ளதால் விவசாயிகள் கவலை அடைந்துள்ளனர்.