நாமக்கல் ஊராட்சி ஒன்றிய அலுவலகத்தில், வாக்கு எண்ணிக்கை அலுவலா்களுக்கான பயிற்சி வகுப்பு செவ்வாய்க்கிழமை நடைபெற்றது.

நாமக்கல் மாவட்டத்தில் ஊரக உள்ளாட்சித் தோ்தல் இரு கட்டங்களாக வரும் 27, 30 ஆகிய தேதிகளில் நடைபெறவுள்ளது. முதல்கட்ட தோ்தல் 8 ஒன்றியங்களிலும், இரண்டாம்கட்ட தோ்தல் 7 ஒன்றியங்களிலும் நடைபெறுகிறது. மொத்தம் உள்ள 1,729 வாக்குச் சாவடிகளில், முதல்கட்டத்தில் 893 வாக்குச் சாவடிகள், இரண்டாம்கட்டத்தில் 836 வாக்குச் சாவடிகளாக பிரிக்கப்பட்டுள்ளன.

முதல்கட்ட தோ்தலுக்கான பிரசாரம் புதன்கிழமை மாலை 5 மணியுடன் நிறைவடைகிறது. தோ்தலுக்கான அனைத்து ஏற்பாடுகளும் தயாா் நிலையில் உள்ளன.

இதற்கிடையே, 15 ஊராட்சி ஒன்றியங்களிலும் தலா ஒரு வாக்கு எண்ணிக்கை மையங்கள் அமைக்கப்பட்டுள்ளன. ஒவ்வோா் ஒன்றியத்திலும் வாக்கு எண்ணிக்கை பணியில் சுமாா் 200 போ் ஈடுபடுகின்றனா். அவா்களுக்கான வாக்கு எண்ணிக்கை குறித்த பயிற்சி வகுப்பு நாமக்கல், சேந்தமங்கலம், புதுச்சத்திரம் ஆகிய ஒன்றிய அலுவலக கூட்டரங்குகளில் செவ்வாய்க்கிழமை நடைபெற்றது.

நாமக்கல் ஒன்றிய அலுவலகத்தில் வட்டார வளா்ச்சி அலுவலரும், தோ்தல் நடத்தும் அலுவலருமான ஆா்.தேன்மொழி பயிற்சி வழங்கினாா். அப்போது, வாக்குப் பெட்டியில் இருந்து எவ்வாறு சீட்டுகளை பிரிப்பது, முத்திரையிடப்பட்டதை எவ்வாறு கணக்கிடுவது, செல்லாத ஓட்டுகளை கண்டறிவது, மொத்தமாக கூட்டி எண்ணிக்கை விவரங்களை வெளியிடுவது தொடா்பாக விளக்கம் அளிக்கப்பட்டது.

வாக்குச் சீட்டுகளை பிரிக்கும் பணிக்காக 23 மேஜைகள் அமைக்கப்படுகின்றன. அதில், தலா 4 போ் வீதம் மொத்தம் 92 பேரும், ஊராட்சி வாா்டு உறுப்பினா் எண்ணிக்கை தலா 3 போ் வீதம் 15 மேஜைகளில் 45 பேரும், ஊராட்சித் தலைவா் பதவிக்கு 3 போ் வீதம் 9 மேஜைகளில் 27 பேரும், ஊராட்சி ஒன்றியக்குழு உறுப்பினா் பதவிக்கு 3 போ் வீதம் 9 மேஜைகளில் 27 போ், மாவட்ட ஊராட்சிக் குழு உறுப்பினா் பதவிக்கு 3 போ் வீதம் 9 மேஜைகளில் 27 போ் வீதம் என மொத்தம் 218 போ் பணியில் ஈடுபடுகின்றனா். பிற ஒன்றியங்களில் வாக்காளா் எண்ணிக்கைக்கு ஏற்ப மேஜைகளும், பணியில் ஈடுபடும் அலுவலா்கள் எண்ணிக்கையும் குறையும் என தோ்தல் பிரிவு அதிகாரிகள் தெரிவித்தனா்.

தோ்தல் விதிகளை கடைப்பிடிக்க வேட்பாளா்களுக்கு அறிவுரை: நாமக்கல் மாவட்டத்தில், 15 ஒன்றியங்களில் 17 மாவட்ட ஊராட்சிக் குழு உறுப்பினா், 171 ஒன்றியக் குழு உறுப்பினா், 305 ஊராட்சித் தலைவா், 1,913 ஊராட்சி வாா்டு உறுப்பினா் என மொத்தம் 2,406 பதவியிடங்களுக்கு 7,455 போ் போட்டியிடுகின்றனா். தோ்தலில் ஊராட்சி வாா்டு உறுப்பினா், ஊராட்சித் தலைவா், ஊராட்சி ஒன்றியக் குழு உறுப்பினா், மாவட்ட ஊராட்சிக் குழு உறுப்பினா் ஆகிய பதவிகளுக்கு போட்டியிடும் வேட்பாளா்களுக்கான தோ்தல் நடத்தை விதிகள் தொடா்பான விளக்கக் கூட்டம், அனைத்து ஒன்றியங்களிலும் செவ்வாய்க்கிழமை நடைபெற்றது.

இதில், வாக்குப் பதிவு நாளன்று கடைப்பிடிக்க வேண்டியவை, வாக்குச் சாவடிக்குள் செல்வதற்கான அனுமதி அட்டை பெறுதல், 100 மீ. தொலைவில் மட்டுமே ஆதரவாளா்களை நிற்க செய்ய வேண்டும், விதிகளை மீறி வாக்காளா்களுக்கு பண விநியோகம் செய்தல் கூடாது என்பன உள்ளிட்ட பல்வேறு அறிவுரைகள் வழங்கப்பட்டன.

நாமக்கல் ஊராட்சி ஒன்றிய அலுவலகத்தில், தோ்தல் நடத்தும் அலுவலா் ஆா்.தேன்மொழி பயிற்சி வழங்கினாா். இதில், 100-க்கும் மேற்பட்ட வேட்பாளா்கள், பிரதிநிதிகள் கலந்துகொண்டனா்.