தமிழக முன்னாள் அமைச்சர் கக்கன் 110-வது பிறந்த தின விழா ராசிபுரத்தில்  செவ்வாய்க்கிழமை நடைபெற்றது. 
புதிய பஸ் நிலையம் அருகே நடைபெற்ற விழாவுக்கு,  தமிழக மக்கள் தன்னுரிமை கட்சியின் நிறுவனத் தலைவர் நல்வினைசெல்வன் தலைமை வகித்தார்.  மாநிலப் பொருளாளர் முத்துசாமி, நகரத் தலைவர் இளங்கோ, நகரத் துணைத் தலைவர் முருகேசன் ஆகியோர் முன்னிலை வகித்தார். நகரச் செயலர் ச.கார்த்திகேயன் வரவேற்றார். 
விழாவில்  கக்கன் உருவப் படத்துக்கு மாலை அணிவித்து, திமுக மாவட்ட இளைஞரணி முன்னாள் துணை அமைப்பாளர் வி.பாலு பேசினார்.
காங்கிரஸ் முன்னாள் மாவட்டத் தலைவர் பாச்சல் ஏ.சீனிவாசன், விடுதலை சிறுத்தைகள் கட்சியின் மாவட்டத் துணைச் செயலர் நீலவானத்து நிலவன்,   விவசாய அணியின் மாநிலத் துணைச் செயலர் வைகறைச்செல்வன், நகர காங்கிரஸ் தலைவர் ஆர்.முரளி,  நா.குபேர்தாஸ், கோல்டன் ஆர்.இளங்கோ உள்ளிட்டோர் பங்கேற்றனர்.