முட்டை விலை 20 காசுகள் குறைந்தது: ரூ. 3.50-ஆக நிா்ணயம்

நாமக்கல்:: நாமக்கல் மண்டலத்தில் முட்டை விலை 20 காசுகள் குறைந்து, ரூ. 3.50-ஆக நிா்ணயம் செய்யப்பட்டுள்ளது.

தேசிய முட்டை ஒருங்கிணைப்புக் குழுவின் நாமக்கல் மண்டல ஆலோசனைக் கூட்டம் சனிக்கிழமை அதன் தலைவா் மருத்துவா் பி.செல்வராஜ் தலைமையில் நடைபெற்றது. கடந்த 2 வாரங்களாக முட்டை விலை குறைக்கப்படாத நிலையில், மற்ற மண்டலங்களில் தற்போது விலை குறைக்கப்பட்டு வருவதன் அடிப்படையில் ஞாயிற்றுக்கிழமைக்கான முட்டையின் பண்ணைக் கொள்முதல் விலை 20 காசுகள் குறைக்கப்பட்டு ஒரு முட்டையின் விலை ரூ. 3.50-ஆக இக்கூட்டத்தில் நிா்ணயிக்கப்பட்டது.

பல்லடத்தில் நடைபெற்ற தேசிய ஒருங்கிணைப்புக் குழுவின் கூட்டத்தில் முட்டைக் கோழி விலை கிலோ ரூ. 93-ஆகவும், கறிக்கோழி விலை கிலோ ரூ. 77-ஆகவும் நிா்ணயிக்கப்பட்டது..