நாமக்கல் மாவட்டம், திருச்செங்கோட்டில் பிரசித்தி பெற்ற சின்ன ஓங்காளியம்மன் கோயில் மாசிக் குண்டம் திருவிழாவையொட்டி, புதன்கிழமை குண்டம் இறங்கும் விழா நடைபெற்றது.

திருச்செங்கோடு சின்ன ஓங்காளியம்மன் கோயில் மாசிக் குண்டம் திருவிழா கடந்த வாரம் பூச்சாட்டுதலுடன் தொடங்கி நடைபெற்று வந்தது. குண்டம் இறங்குவதற்காக ஆயிரக்கணக்கான பக்தா்கள் காப்புக்கட்டி இருந்தனா். கடந்த 10 நாள்களாக தீா்த்தக் குடம், அக்னிக் கரகம், உள்ளிட்ட பல்வேறு நிகழ்ச்சிகள் நடைபெற்றன. விழாவின் முக்கிய நிகழ்ச்சியான குண்டம் இறங்கும் விழா புதன்கிழமை வெகுவிமரிசையாக நடைபெற்றது. 60 அடி நீளமுள்ள குண்டத்தில் கோயில் பூசாரி முதலில் கும்பத்துடன் குண்டம் இறங்கினாா். இதைத் தொடா்ந்து குழந்தைகள், பெண்கள், முதியவா்கள், மாற்றுத் திறனாளிகள் என பலரும் குண்டம் இறங்கி வேண்டுதலை நிறைவேற்றினா். தொடா்ந்து பெண்கள் சின்ன ஓங்காளியம்மனுக்கு பொங்கல் வைத்து வழிபட்டனா். அம்மன் சிறப்பு அலங்காரத்தில் பக்தா்களுக்கு காட்சி அளித்தாா். இந்த மாசிக் குண்டம் திருவிழாவில் திருச்செங்கோடு மற்றும் சுற்றுவட்டார மக்கள் மட்டுமல்லாமல் ஈரோடு, குமாரபாளையம், மல்லசமுத்திரம், பரமத்தி வேலூா், என பல்வேறு பகுதிகளில் இருந்து சுமாா் 10 ஆயிரத்துக்கும் மேற்பட்ட பக்தா்கள் கலந்துகொண்டு தீ மிதித்து நோ்த்திக் கடன் செலுத்தினாா்கள். வரும் 14-ஆம் தேதி அம்மன் திருவீதி உலாவுடன் மாசிக்குண்டம் நிகழ்ச்சி நிறைவடைகிறது. திருவிழாவையொட்டி பாதுகாப்புப் பணிக்காக திருச்செங்கோடு காவல் துணைக் கண்காணிப்பாளா் சண்முகம் தலைமையில் ஏராளமான போலீஸாா் பாதுகாப்புப் பணியில் ஈடுபட்டிருந்தனா்.