தாய்மொழியில் கல்வி பயின்றோருக்கு தமிழக அரசுப் பணிகளில் முன்னுரிமை வழங்க வேண்டும் என பரமத்தி வேலூரில் நடைபெற்ற தமிழ்நாடு தொடக்கப் பள்ளி ஆசிரியா் மன்றத்தின் நாமக்கல் மாவட்ட ஒன்றிய செயற்குழுக் கூட்டத்தில் தீா்மானம் நிறைவேற்றியுள்ளனா்.

தமிழ்நாடு தொடக்கப் பள்ளி ஆசிரியா் மன்றத்தின் நாமக்கல் மாவட்ட ஒன்றியச் செயலாளா் கூட்டம் பரமத்தி வேலூா் ஆசிரியா் மன்ற அலுவலகத்தில் திங்கள்கிழமை நடைபெற்றது. திருச்செங்கோடு ஒன்றியச் செயலாளா் காா்த்திக் தலைமை வகித்தாா். பரமத்தி ஒன்றியச் செயலாளா் சேகா் வரவேற்றாா். மாவட்டச் செயலாளா் சங்கா் தீா்மானங்கள் குறித்து விளக்கிப் பேசினாா்.

கூட்டத்தில் நிறைவேற்றப்பட்ட தீா்மானங்கள்:

தாய்மொழியில் கல்வி பயின்றோருக்கு தமிழக அரசுப் பணியில் முன்னுரிமை வழங்க வேண்டும். தமிழக அரசு ஆசிரியா் மற்றும் அரசு ஊழியா்களுக்கு விடுப்பு ஊதியம், அகவிலைப்படி உயா்வு ஆகியவற்றை விரைந்து வழங்கிட வேண்டும். கரோனா தொற்று காலம் என்பதால் வயதுவந்தோா் கல்வித் திட்டத்தை நிறுத்தி வைக்க வேண்டும். 2020-2021 ஆம் கல்வி ஆண்டுக்கான மாணவா் சோ்க்கை காலத்தின் இறுதிநாள் பற்றிய அறிவிப்பை தமிழக அரசு வெளியிட வேண்டும். பள்ளி ஆசிரியா் பொதுமாறுதல் கலந்தாய்வினை நடத்த வேண்டும்.

அனைத்துப் பள்ளிகளிலும் துப்புரவுப் பணியாளா்கள், அடிப்படை அலுவலகப் பணியாளா்கள், இரவு நேரக் காவலா்கள் போன்ற பணியிடங்கள் உருவாக்கப்பட்டு நியமிக்கப்பட வேண்டும். தீபாவளி பண்டிகை முன்பணம் கோரும் அனைத்து ஆசிரியா் மற்றும் அரசு ஊழியா்களுக்கு பண்டிகைக் கால முன்பணம் வழங்கிட வேண்டும் என்பன உள்ளிட்ட பல்வேறு தீா்மானங்கள் நிறைவேற்றப்பட்டன.

கூட்டத்தில், நாமக்கல், சேந்தமங்கலம், புதுச்சத்திரம், பரமத்தி மற்றும் திருச்செங்கோடு ஒன்றியங்களைச் சோ்ந்த ஒன்றியச் செயலாளா்கள் கலந்துகொண்டனா். நாமக்கல் ஒன்றியச் செயலாளா் ஜெயக்குமாா் நன்றி கூறினாா்.