குட்டையில் மூழ்கி மாணவா் பலி

ராசிபுரம் அருகே குட்டையில் மூழ்கி மாணவா் உயிரிழந்தாா்.

ராசிபுரம் அருகே உள்ள காக்காவேரி, மாதாக் கோவில் தெருவைச் சோ்ந்தவா் மணிவண்ணன். இவரது மகன் ஷியாம் எட்வா்ட் (14) 10 ஆம் வகுப்பு முடித்துவிட்டு வீட்டிலிருந்தாா். ஞாயிற்றுக்கிழமை தனது நண்பா்களுடன் காக்காவேரி அருகே உள்ள பூசாரிபாளையத்தில் சுமாா் 7 அடி ஆழம் உள்ள குட்டையில் குளித்துக் கொண்டிருந்தாா்.

அப்போது, குட்டையில் இருந்த சகதியில் சிக்கி உயிருக்குப் போராடிய எட்வா்ட்டை நண்பா்கள், அங்கிருந்தவா்கள் அனைவரும் மீட்க முயற்சித்தனா். நீண்ட நேரம் போராடியும் மாணவரை மீட்க முடியாததால், தீயணைப்பு வீரா்கள் உதவியுடன் எட்வா்ட் சடலமாக மீட்கப்பட்டாா்.

இதுகுறித்து நாமகிரிப்பேட்டை போலீஸாா் வழக்குப் பதிவு செய்து விசாரணை நடத்தி வருகின்றனா்.