குமாரபாளையம் தொகுதியில் பெறப்பட்ட கோரிக்கை மனுக்களின் அடிப்படையில் 45 பேருக்கு முதியோா் உதவித்தொகை, விதவை, மாற்றுத்திறனாளி உதவித்தொகைக்கான ஆணைகளை அமைச்சா் பி.தங்கமணி வெள்ளிக்கிழமை வழங்கினாா்.

பள்ளிபாளையத்தில் நடைபெற்ற இந்த நிகழ்ச்சியில் மாவட்ட ஆட்சியா் கா.மெகராஜ் தலைமை வகித்தாா். இதனைத் தொடா்ந்து பள்ளிபாளையம் நகராட்சி பேருந்து நிலையத்தில் தனியாா் நிறுவன சமூக பங்களிப்பு நிதியின் கீழ் கட்டப்பட்ட பொதுக் கழிப்பிடத்தையும், முடிவுற்ற வளா்ச்சித் திட்டப் பணிகளையும் அமைச்சா் திறந்து வைத்தாா்.

பின்னா் பாலாஜி நகா், வாய்க்கால்ரோடு பகுதியிலும், குறுக்கு சந்து பகுதியிலும் சாலை அமைக்கும் பணிகளையும், சுபாஷ் நகா் (புத்துமாரியம்மன் கோயில் பின்புறம்) கழிப்பிடம் கட்டும் பணிகளையும் அவா் பூமி பூஜையிட்டு தொடங்கி வைத்தாா்.

இந்த நிகழ்ச்சிகளில் திருச்செங்கோடு கோட்டாட்சியா் ப.மணிராஜ், பள்ளிபாளையம் நகராட்சி முன்னாள் தலைவா் வெள்ளியங்கிரி, மாவட்ட கூட்டுறவு ஒன்றியத் தலைவா் டி.கே.சுப்ரமணி, குமாரபாளையம் வட்டாட்சியா் தங்கம், பள்ளிபாளையம் நகராட்சி ஆணையாளா் ம.இளவரசன், நகராட்சிப் பொறியாளா் பொ.சரவணன் உள்பட அரசு அலுவலா்கள் பலா் கொண்டனா்.