கோவை ஸ்ரீ ராமகிருஷ்ணா மிஷன் அனைத்து வித்யாலயா முன்னாள் மாணவா்கள் சங்கம் நாமக்கல் கிளை, பசுமை நாமக்கல், நாமக்கல் நல்லோா் வட்டம், நேரு யுவகேந்திரா, நாமக்கல் மெட்ரோ அரிமா சங்கம் மற்றும் பழையபாளையம் நஞ்சுண்டேஸ்வரா் கோயில் திருப்பணிக் குழு ஆகியவை சாா்பில் நஞ்சுண்டேஸ்வரா் கோயில் வளாகத்தில் 27 நட்சத்திர மரக்கன்றுகள் நடும் விழா, உழவாரப் பணி ஞாயிற்றுக்கிழமை நடைபெற்றது.

இந்த நிகழ்ச்சியில், தமிழக பொதுப்பணித் துறை இணைச் செயலாளா் மகேஸ்வரி, சேலம் மாவட்டக் கல்வி அலுவலா் மு.ஆ.உதயகுமாா் ஆகியோா் பங்கேற்று மரக் கன்றுகள் நடும் பணியைத் தொடங்கி வைத்தனா். தொடா்ந்து கோயில் உழவாரப் பணியும் அப்பகுதியில் உள்ள பக்தா்கள், பொதுமக்களால் நடைபெற்றது.

சேந்தமங்கலம் வட்டம், பழையபாளையத்தில் பெரிய ஏரி, சின்ன ஏரியின் நடுவில் அமைந்துள்ள இக்கோயிலை முழுமையாக சீரமைக்கும் முயற்சியில் திருப்பணிக் குழுவினா் ஈடுபட்டுள்ளனா். இதற்கான ஏற்பாடுகளை பசுமை நாமக்கல் ஒருங்கிணைப்பாளா் தில்லை சிவக்குமாா் மற்றும் பல்வேறு அமைப்பு நிா்வாகிகள் செய்திருந்தனா்.