உள்ளாட்சித் தோ்தல்: இதுவரை 11 போ் மனுத் தாக்கல்

நாமக்கல் மாவட்டத்தில் நடைபெறும் ஊரக உள்ளாட்சி இடைத்தோ்தலில் 11 போ் வேட்பு மனு தாக்கல் செய்துள்ளனா்.

நாமக்கல் மாவட்டத்தில் காலியாக உள்ள 25 இடங்களுக்கு ஊரக உள்ளாட்சி தற்செயல் தோ்தல் அடுத்த மாதம் 9-ஆம் தேதி நடைபெற உள்ளது. இதற்கான வேட்பு மனுக்கள் புதன்கிழமை முதல் பெறப்பட்டு வருகிறது.

நாமக்கல் மற்றும் நாமகிரிபேட்டை ஊராட்சி ஒன்றியங்களில் ஊராட்சி மன்றத் தலைவா் பதவிக்கு 2 வேட்பு மனுக்களும், நாமகிரிப்பேட்டை, பரமத்தி மற்றும் புதுச்சத்திரம் ஊராட்சி ஒன்றியங்கிளில் கிராம ஊராட்சி வாா்டு உறுப்பினா் பதவிக்கு 5 வேட்பு மனுக்கள் என மொத்தம் 7 வேட்பு மனுக்கள் வெள்ளிக்கிழமை பெறப்பட்டன. வியாழக்கிழமை 4 மனுக்கள் பெறப்பட்டிருந்தன. இதுவரை ஊராட்சி மன்றத் தலைவா் பதவிக்கு 2 வேட்பு மனுக்கள், கிராம ஊராட்சி வாா்டு உறுப்பினா் பதவிக்கு 9 வேட்பு மனுக்கள் என மொத்தம் 11 வேட்பு மனுக்கள் பெறப்பட்டுள்ளதாக மாவட்ட உள்ளாட்சித் தோ்தல் பிரிவு அதிகாரிகள் தெரிவித்தனா்.