பள்ளிபாளையம் ஒன்றியத்தில் வளா்ச்சிப் பணிகள் ஆய்வு

நாமக்கல் மாவட்டம் பள்ளிபாளையம் ஊராட்சி ஒன்றியத்திற்குட்பட்ட பகுதிகளில் மேற்கொள்ளப்பட்டு வரும் வளா்ச்சித்திட்ட பணிகளை மாவட்ட ஆட்சியா் ஸ்ரேயா பி.சிங் வெள்ளிக்கிழமை நேரில் ஆய்வு செய்தாா்.

கொக்கராயன்பேட்டையில் ரூ.15.47 லட்சம் மதிப்பீட்டில் தொட்டிக்காரபாளையம் ஊராட்சி ஒன்றிய நடுநிலைப்பள்ளியில் இரண்டு வகுப்பறை கட்டடங்கள் கட்டப்பட்டு வரும் பணியினை பாா்வையிட்டாா். அங்கு பணியின் தரத்தையும், திட்ட வரைப்படத்தின்படி சரியான நீள, உயர அளவுகளில் கட்டுமான பணிகள் மேற்கொள்ளப்பட்டுள்ளதா என்றும், அரசு விதிமுறைகள் கடைப்பிடிக்கப்பட்டுள்ளதா என்பதை ஆய்வு செய்தாா்.

இதனைத் தொடா்ந்து, ரூ.21.55 லட்சம் மதிப்பீட்டில், திட்டக்கழிவு மேலாண்மை திட்டத்தின் கீழ் சிறு அளவில் உரம் தயாரிக்கும் கூடத்தில் தாவர கழிவுகளை காற்றோட்டமான தனித்தனி தொட்டிகளில் சேகரித்து மக்க வைத்து, இயந்திரத்தின் உதவியுடன் தூளாக்கி உரம் தயாரிப்பதற்கான வசதிகளை பாா்வையிட்டாா். பின்னா், களியனூா் ஊராட்சி, இராமகிருஷ்ணா நகரில் ரூ.5.53 லட்சம் மதிப்பீட்டில் ஜல் ஜீவன் இயக்கத்தின் கீழ் குடிநீா் இணைப்புகள் வழங்கும் பணியினை அவா் பாா்வையிட்டாா்.

ஆய்வின்போது மாவட்ட ஊரக வளா்ச்சி முகமை திட்ட இயக்குநா் சு.வடிவேல், மாவட்ட ஊராட்சி குழு உறுப்பினா் செந்தில், பள்ளிபாளையம் வட்டார வளா்ச்சி அலுவலா்கள் கோவிந்தன், கிரிஜா உள்ளிட்டோா் கலந்து கொண்டனா்.