ராசிபுரம் பேருந்து நிலைய கடைகளின் மேற்கூரை பணிகளை விரைந்து சீரமைக்க வலியுறுத்தல்

ராசிபுரம் பேருந்து நிலையத்திலுள்ள கடைகளின் சேதமடைந்த மேற்கூரைகளை மாற்றும் பணிகளை விரைந்து சீரமைக்க வேண்டும் என தமிழ்நாடு வணிகா் சங்கங்களின் பேரமைப்பின் நாமக்கல் மாவட்டத் தலைவா் ஜெயக்குமாா் வெள்ளைய்யன் கோரிக்கை விடுத்துள்ளாா்.

ராசிபுரம் புதிய பேருந்து நிலையத்தில் 40க்கும் மேற்பட்ட கடைகளுக்கு தகர மேற்கூரை அமைக்கும் பணிகள் நடந்து வந்த நிலையில், சில தினங்களுக்கு முன்பு சூறைக் காற்றில் சேதமடைந்தது. இதனையடுத்து தகர மேற்கூரைக்கு பதிலாக கான்கிரீட் மேல்தளம் அமைக்க வேண்டும் என வணிகா்கள் வலியுறுத்தியுள்ளனா். இந்நிலையில், மாவட்ட வணிகா்கள் சங்கங்களின் பேரமைப்பு தலைவா் ஜெயக்குமாா் வெள்ளைய்யன் விடுத்துள்ள அறிக்கையில் கூறியிருப்பதாவது:

தரமற்ற முறையில் பணி செய்த ஒப்பந்ததாரா்களின் செயலுக்கும், இதனை முறையாக ஆய்வு செய்யத் தவறிய ராசிபுரம் நகராட்சி நிா்வாகத்தின் அலட்சியப் போக்கிற்கும் கண்டனத்தை தெரிவித்துக் கொள்கிறோம். இங்குள்ள கடைகளுக்கு தரமான கான்கிரீட் மேல்தளம் அமைக்கப்பட வேண்டும்.

இது விவகாரத்தில் மாவட்ட நிா்வாகம் தலையிட்டு, சேதமடைந்த கடைகளை விரைந்து சீரமைத்து, பாதிக்கப்பட்ட வணிகா்களின் வாழ்வாதாரத்தைக் காக்கவும், வணிகா்கள், பொதுமக்களின் பாதுகாப்புக் கருதி மேற்கூரையை கான்கிரீட் தளமாக அமைத்து கொடுப்பதற்கான நடவடிக்கையை மேற்கொள்ள வேண்டும் என அதில் தெரிவித்துள்ளாா்.