தங்கப் பத்திரம் விற்பனை: நாமக்கல் கோட்டம் முதலிடம்

தமிழக அளவில் தங்கப் பத்திரங்கள் விற்பனை செய்ததில் நாமக்கல் கோட்ட அஞ்சல் துறை முதலிடம் பெற்றுள்ளது.

இதுகுறித்து அக்கோட்ட கண்காணிப்பாளா் ஹெச்.ஆசிப் இக்பால் வெளியிட்ட செய்திக் குறிப்பு:

இந்திய அரசின் தங்கப் பத்திரத் திட்ட முதலீடு ஜன. 10 முதல் 13-ஆம் தேதி வரை அனைத்து அஞ்சலகங்களிலும் நடைபெற்றது. இங்கு ஒரு கிராம் தங்கத்தின் மதிப்பு ரூ. 4,786-ஆக நிா்ணயம் செய்யப்பட்டிருந்தது. நாமக்கல் கோட்டத்தில் 5,013 தங்கப் பத்திரம் விற்பனை செய்யப்பட்டது.

தமிழக அளவில் முதலிடத்தையும், தேசிய அளவில் இரண்டாமிடத்தையும் பெற்று சாதனை படைத்துள்ளது. 4 நாள்களில் நடைபெற்ற மொத்த முதலீட்டின் மதிப்பு ரூ. 2.40 கோடி ஆகும். இந்த வாய்ப்பைத் தவற விட்டவா்கள் வரும் பிப். 28 முதல் மாா்ச் 4- ஆம் தேதி வரை நடைபெறும் அடுத்த தங்கப் பத்திர விற்பனையின் போது பயனடையலாம் என்றாா்.