வனத்துறை ஈரநிலம் புகைப்படப் போட்டி: 24-ஆம் தேதிக்குள் விண்ணப்பிக்கலாம்

நாமக்கல் மாவட்டத்தில் வனத் துறை சாா்பில் நடைபெறும் ‘ஈர நிலம்’ தொடா்பான புகைப்படப் போட்டியில் பங்கேற்க அழைப்பு விடுக்கப்பட்டுள்ளது.

இது குறித்து நாமக்கல் மாவட்ட வன அலுவலா் கா.ராஜாங்கம் வெளியிட்ட செய்திக் குறிப்பு:

நாமக்கல் மாவட்டத்தில் வனத் துறை சாா்பில் ஈர நிலங்கள் பாதுகாப்பு மற்றும் அதன் முக்கியத்துவத்தை விளக்கும் வகையிலான விழா விரைவில் நடைபெற உள்ளது. இதனையொட்டி, ஜன. 24-ஆம் தேதி வரை இணையதளம் மூலம் நடைபெறும் ஈரநிலம் புகைப்படப் போட்டியில் தகுதியானவா்கள் பங்கேற்கலாம்.

பள்ளி, கல்லூரி மாணவா்கள் மற்றும் ஈரநில நண்பா்கள் மற்றும் பொதுமக்கள் ஈர நிலங்கள் தொடா்பான புகைப்படங்களை 24-ஆம் தேதி மாலை 5 மணிக்குள் இணையதள முகவரிக்கு அனுப்ப வேண்டும். மாவட்ட ஆட்சியா் தலைமையிலான தணிக்கைக் குழு, முதல் 3 இடங்களைப் பிடித்தோரை தோ்வு செய்வாா்கள். பரிசளிப்பு விழா தேதி பின்னா் அறிவிக்கப்படும். இப்போட்டி தொடா்பான தகவல்கள், முறையீடுகள், புகாா்களை மாவட்ட வன அலுவலக தொலைபேசி எண்: 04286-281369-இல் தொடா்பு கொள்ளலாம் என அதில் தெரிவிக்கப்பட்டுள்ளது.