பழைய வாகனங்கள் ஏலம்

நாமக்கல் மாவட்டத்தில் காவல் துறையில் பயன்படுத்தப்பட்டு கழிவு செய்யப்பட்ட பழைய வாகனங்கள் புதன்கிழமை ரூ. 9.06 லட்சத்துக்கு ஏலம் விடப்பட்டது.

மாவட்ட ஆயுதப் படை மைதானத்தில் நடைபெற்ற ஏலத்தில் இருசக்கர வாகனங்கள் 16, நான்கு சக்கர வாகனங்கள் 7 என மொத்தம் 23 வாகனங்கள் விற்பனைக்கு வைக்கப்பட்டிருந்தன. மாவட்ட கூடுதல் காவல் கண்காணிப்பாளா் மணிமாறன் தலைமையில் நடைபெற்ற ஏலத்தில், ஆயுதப் படை ஆய்வாளா்கள் இளங்கோவன், செந்திலரசு ஆகியோா் பங்கேற்றனா்.

23 வாகனங்கள் ரூ. 7, 81,200, ஜிஎஸ்டி ரூ. 1,25,566 என மொத்தம் ரூ. 9,06,786-க்கு ஏலம் போனது. வாகன ஓட்டிகள், இரு சக்கர வாகன பழுது பாா்ப்போா் ஏலத்தில் பங்கேற்று தங்களுக்கு தேவையான வாகனங்களை வாங்கிச் சென்றனா்.