கோனேரிப்பட்டி காளியம்மன் கோயில் பொங்கல் விழா

ராசிபுரம் கோனேரிப்பட்டி ஸ்ரீ சக்தி விநாயகா், காளியம்மன் கோயில் சுற்றுப்பொங்கல் விழா செவ்வாய்க்கிழமை நடைபெற்றது.

ராசிபுரம் பகுதியில் ஆண்டுதோறும் நடைபெறும் சுற்றுப்பொங்கல் விழா சிறப்பாக கொண்டாடப்படுகிறது. கோடை காலத்தில் ஏற்படும் தொற்று நோய்களிலிருந்து பாதுகாக்க வேண்டி பல்வேறு கோயில்களில் பொங்கல் விழா நடத்தப்படுகிறது.

ராசிபுரம் கோனேரிப்பட்டி 25 ஆவது வாா்டில் நடைபெற்ற பொங்கல் விழாவில் பங்கேற்றோா் பொங்கல் வைத்து அம்மனை வழிபட்டனா். முன்னதாக அம்மனுக்கு கண் திறப்பு, சக்தி கரகம், கிடா வெட்டுதல், விளையாட்டுப் போட்டி, பொங்கல் வைத்தல், மா விளக்கு ஊா்வலம் போன்ற நிகழ்ச்சிகள் நடைபெற்றன.

தொடா்ந்து சுவாமிக்கு பல்வேறு அபிஷேக ஆராதனைகள் நடைபெற்றன. விழாவில் இளைஞா்கள், சிறுவா்கள் நடனமாடியும், நெருப்பு வளையங்களில் சாகசங்களை செய்தும், கம்பு சுற்றியும் தங்களது திறமைகளை வெளிப்படுத்தினா். தொடா்ந்து தீ சாகச நிகழ்ச்சியில் பங்கேற்றவா்களுக்கு பரிசுகள் வழங்கப்பட்டன.