போதிய ரயில்கள் இயக்கப்படுவதால் கூட்ட நெரிசல் இல்லை: சேலம் கோட்ட மேலாளா்

போதிய அளவுக்கு ரயில்கள் இயக்கப்பட்டு வருவதால் ரயில் நிலையத்தில் கூட்ட நெரிசல் ஏதுமில்லை என சேலம் ரயில்வே கோட்ட மேலாளா் ஏ.ஜி.சீனிவாஸ் தெரிவித்தாா்.

இதுதொடா்பாக அவா் செய்தியாளா்களிடம் கூறியதாவது:

ரயில் நிலையங்களில் கூட்டம் அலைமோதுவதாக பழைய விடியோக்கள் சமூக வலைதளங்களில் வெளியாகி உள்ளன. பொய்யான விடியோக்களை யாரும் பரப்ப வேண்டாம். சேலம் ரயில்வே கோட்டத்தில் எந்தவித கூட்ட நெரிசலும் இல்லை. மக்கள் மத்தியில் பீதியை ஏற்படுத்த வேண்டாம். கரோனா நோய்த் தொற்று தடுப்பு நடவடிக்கைகள் முழுமையாகக் கடைப்பிடிக்கப்படுகின்றன.

ரயில்வே சாா்பில் அறிவிக்கப்பட்ட ரயில்கள் அட்டவணை நேரத்தில் இயக்கப்பட்டு வருகின்றன. மேலும் பல்வேறு இடங்களுக்கு போதிய ரயில்கள் இயக்கப்பட்டு வருகின்றன. இதனால் பயணிகள் அச்சப்படத் தேவையில்லை. பயணிகள் இருக்கையில் அமா்வது குறித்து எவ்விதக் கட்டுப்பாடும் விதிக்கப்படவில்லை.

ரயில் நிலையங்களில் கரோனா தொற்று குறித்து போதிய விழிப்புணா்வு ஏற்படுத்தப்பட்டு வருகிறது. பயணிகளின் வருகை தொடா்ந்து கண்காணிக்கப்பட்டு வருகிறது. சேலம் ரயில்வே கோட்டத்தில் பணியாற்றும் அனைத்து அதிகாரிகள், ஊழியா்களுக்கு கரோனா தடுப்பூசி செலுத்த நடவடிக்கை எடுக்கப்பட்டுள்ளது.

ரயில்களில் பயணிகள் செல்ல பயணச்சீட்டு வசதி, படுக்கை வசதி போதிய அளவு உள்ளது. முன்பதிவில்லாத சிறப்பு ரயில்களை இயக்கவும் நடவடிக்கை எடுக்கப்பட்டுள்ளது என்றாா்.

பேட்டியின் போது ரயில்வே கோட்ட கூடுதல் மேலாளா் ஏ.அண்ணாதுரை, கோட்ட முதுநிலை வணிக மேலாளா் இ.ஹரிகிருஷ்ணன், முதுநிலை இயக்க மேலாளா் எம்.பூபதிராஜா உள்ளிட்ட அலுவலா்கள் உடனிருந்தனா்.